| e-texts navigator |
| Wylie |
429a1 བ་ཞིག་ན་འདུག་གོ་། དེ་ནས་དཔལ་ལྷ་མོ་ཆེན་མོ་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན
429a2 འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ནི། སྦྱིན་པ་ལས་བྱུང་བའི་བསོད་ནམས་བགྱི་བའི་དངོས་པོའི་གཟིངས་ཀྱིས་སྐྱེ་བའི་རྒྱ་མཚོ་ལས་སྒྲོལ་བར
429a3 མི་བགྱིད་པ་དག་མཆིས་ལགས་སོ། །དེ་ཅིའི་སླད་དུ་ཞེ་ན། སངས་རྒྱས་ཀྱི་ཞིང་ཉོན་མོངས་པ་ཅན་སྙིགས་མ་ལྔ་དང་ལྡན་པ་འདི་ན་སེམས་ཅན་བསོད་ནམས་སུ་གདགས་པ་དང
429a4 བྲལ་བ་དག་ཕལ་ཆེ་ལགས་ཏེ། རྒྱུ་དེ་དང་། རྐྱེན་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འདིར་སེམས་ཅན་རྣམས་ལ་སྙིང་རྗེ་ཆེན་པོ་དག་སྐྱེད་པར་བགྱིད
429a5 ལགས་སོ། །འདི་ན་སེམས་ཅན་རྣམས་གང་གིས་ན་རྒྱུ་མ་མཆིས་པར་སྨྲ་ཞིང་ལོངས་སྤྱོད་དང་བྲལ་ལ། ཚོལ་ཁྲོས་སྡུག་བསྔལ་ཞིང་ཉམ་ཐག་པ་དང་། དོན་མ་མཆིས་པར་འབད་པ
429a6 དེ་དག་ནི། སྦྱིན་པ་རྣམ་པར་བགེད་པ་མ་མཆིས་པར་ཡོངས་སུ་སྨིན་པར་བགྱིད་པའི་རྔོ་མི་ཐོགས་ཏེ། དེ་ལྟ་བས་ན། བདག་ཅག་གིས་སྦྱིན་པའི་གོ་བགོས་ཏེ་བརྩོན་འགྲུས་བརྩམ་པར
429a7 བགྱི་ཞིང་། འདི་ལྟར་བདག་ཅག་གིས་སྦྱིན་པའི་གཟིངས་ཀྱིས་སྐྱེ་བའི་རྒྱ་མཚོ་ལས་བསྒྲལ་བར་བགྱིའོ། །ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྦྱིན་པ་ལས
iiif viewer powered by OpenSeadragon
