| e-texts navigator |
| Wylie |
428a1 དང་ལྡན་པ་ཡིན་ནོ། །བདག་ཏུ་མངོན་པར་ཞེན་པ་མ་ཡིན་ནོ། །དགེ་བའི་ཆོས་ཅན་ཚུལ་ཁྲིམས་དང་ལྡན་པ་ཡིན་ནོ། །ཀུན་དགའ་བོ། ཆོས་བཞི་པོ་འདི་དག་དང
428a2 ལྡན་པའི་དགེ་སློང་གིས་དེ་བཞིན་གཤེགས་པས་ཐུགས་སུ་ཆུད་པའི་ཆོས་འདུལ་བ་དག་ཐོས་ན་དགའ་བ་དང་། མཆོག་ཏུ་དགའ་བ་རྒྱ་ཆེན་པོ་དག་རབ་ཏུ་ཐོབ་པར་འགྱུར་རོ། །བཅོམ
428a3 ལྡན་འདས་ཀྱིས་དེ་སྐད་ཅེས་བཀའ་སྩལ་ནས་བདེ་བར་གཤེགས་པས་དེ་སྐད་གསུངས་ཏེ། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །དགེ་སློང་ང་རྒྱལ་མེད་པ་གང་།།
428a4 ཡང་དག་ཆོས་ལ་རབ་གནས་དེས། །ཟབ་པའི་ཆོས་དག་ཐོས་ནས་ནི། །དགའ་བ་མཚུངས་མེད་དེས་འཐོབ་བོ། །ཆོས་ཉིད་ཟབ་པ་ཐོས་ནས་ཀྱང་། །ཡང་དག་ཆོས་ལ་རབ་གནས
428a5 པས|་|དམན་པ་འདི་ནི་རབ་བསྒྲགས་ཏེ། །འཇིག་རྟེན་རྒྱང་པན་སྟེན་མི་བྱེད། །བདག་མེད་ཆོས་དག་ཐོས་ནས་ཀྱང་། །གཅིག་ཏུ་མྱུར་བར་ཞུ་མི་འགྱུར། །ཟླ་བ་ཡར་གྱི་ངོ་ལྟར་ནི། །
428a6 དེ་ཡི་ཡེ་ཤེས་རྣམ་པར་འཕེལ། །བདག་མེད་ཆོས་དག་ཐོས་ནས་ཀྱང་། །གང་གི་ཐེ་ཚོམ་ཡོད་མིན་ཞིང་། །ཟླ་བ་ཡར་གྱི་ངོ་ལྟར་ནི། །དེ་ཡི་ཡེ་ཤེས་རྣམ་པར་འཕེལ། །བཅོམ་ལྡན
428a7 འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་གསུངས་པ་ལ
iiif viewer powered by OpenSeadragon
