| e-texts navigator |
| Wylie |
427b1 སྨྲ་ལ་ཀུན་ནས་ཁྲོ་བར་བྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་བདེ་བར་གཤེགས་པས་དེ་སྐད་གསུངས་ཏེ། སྟོན་པས་གཞན་ཡང་འདི་སྐད་ཅེས་བཀའ
427b2 སྩལ་ཏོ|་|དགེ་སློང་ལྷག་པའི་ང་རྒྱལ་ཅན། །མ་ཐོབ་ཐོབ་པའི་འདུ་ཤེས་ཅན། །དེ་ནི་དེས་ན་ངས་བསྟན་པའི། །ཟབ་པའི་ཆོས་ནི་སྤོང་བར་བྱེད། །འཇིག་རྟེན་རྒྱང་པན་འདྲེས་པ་ཡི། །དགེ་སློང
427b3 ཆོས་སྨྲ་གང་ཡིན་པས། །ངས་བསྟན་པ་ཡི་མདོ་ཟབ་པ། །འདི་ནི་རབ་ཏུ་སྤོང་བར་བྱེད། །བདག་ཏུ་སྨྲ་བའི་དགེ་སློང་གང་། །དམིགས་པ་ལ་ནི་རབ་གནས་པས། །བདག་མེད་ཆོས་དག་ཐོས
427b4 ནས་ཀྱང་། །ང་ཡི་བསྟན་པ་སྤོང་བར་བྱེད། །དགེ་སློང་ཚུལ་ཁྲིམས་འཆལ་པ་གང་། །སྡིག་པའི་ཆོས་ཅན་མི་སྡོམ་པས། །ཡོ་བྱད་བསྙུངས་པའི་ཆོས་ཐོས་ན། །ང་ཡི་བསྟན་པ་སྤོང་བར
427b5 བྱེད|་|སྐྱོབ་པ་ཤཱཀྱ་སེངྒེ་ངའི། །བསྟན་པ་ཤེས་རབ་འཆལ་པ་ཡིས། །སྤངས་ནས་ཀྱང་ནི་ལུས་ཞིག་ནས། །ངན་འགྲོ་རྣམས་སུ་སྐྱེ་བར་འགྱུར། །ཀུན་དགའ་བོ། ཆོས་བཞི་དང་ལྡན་པའི
427b6 དགེ་སློང་གིས་དེ་བཞིན་གཤེགས་པས་ཐུགས་སུ་ཆུད་པའི་ཆོས་འདུལ་བ་དག་ཐོས་ན་དགའ་བ་དང་། མཆོག་ཏུ་དགའ་བ་རྒྱ་ཆེན་པོ་དག་རབ་ཏུ་ཐོབ་པར་འགྱུར་རོ། །ཀུན་དགའ་བོ།
427b7 འདི་ལ་བཞི་གང་ཞེ་ན། དགེ་སློང་ལྷག་པའི་ང་རྒྱལ་མེད་པ་ཅན་ཡིན་ནོ། །འཇིག་རྟེན་རྒྱང་པན་པ་དང་མ་འདྲེས་པ་ཡིན་ནོ། །གཞན་དག་ལ་ཆོས་དག་པ་སྟོན་པ་ཡིན་ནོ། །དམིགས་པ
iiif viewer powered by OpenSeadragon
