| e-texts navigator |
| Wylie |
426b1 ཕྱོགས་ནི་འདི་ཉིད་དུ། །མདོ་མཆོག་དག་ནི་བཤད་པར་བྱ། །འཇིག་རྟེན་མགོན་པོ་བསམ་མི་ཁྱབ། །རྫོགས་པའི་སངས་རྒྱས་བྱམས་པས་ཀྱང་། །ས་ཡི་ཕྱོགས་ནི་འདི་ཉིད་དུ། །མདོ་སྡེ་འདི
426b2 ནི་འཆད་པར་འགྱུར། །མང་ཐོས་བྱམས་པ་འདི་ཡིས་ནི། །མདོ་འདི་སྟོན་པར་བྱེད་པ་ན། །ཐེར་འབུམ་བརྒྱད་ཅུ་ཚང་བ་དག་།བྱང་ཆུབ་ཏུ་ཡང་ལུང་སྟོན་འགྱུར། །བདག་ནི་གང་གིས་ཡོངས
426b3 སྨིན་བྱས། །ཀྱེ་མའོ་སངས་རྒྱས་ཤཱཀྱ་ཐུབ་ཅེས། །སྐད་ཅིག་དེ་ལ་ང་ཡི་མིང་། །རྫོགས་སངས་རྒྱས་ཀྱིས་བརྗོད་པར་འགྱུར། །བྱམས་པ་ཡི་ནི་ཐད་དག་ནས། །སྲོག་ཆགས་བྱེ་བ་གྲངས
426b4 མེད་པས། །ང་ཡི་མིང་ནི་ཐོས་ནས་ཀྱང་། །བྱང་ཆུབ་མཆོག་ཏུ་སྨོན་པར་བྱེད། །སྐད་ཅིག་དེ་ལ་སངས་རྒྱས་ལ། །དེ་བཞིན་གཤེགས་པ་བྱམས་པ་ཡང་། །འཛུམ་པ་དག་ནི་མཛད་འགྱུར
426b5 ཞིང་། །དེ་ནི་ཆོ་འཕྲུལ་བསམ་མི་ཁྱབ། །ཕྱི་མའི་དུས་ན་གང་ཁ་ཅིག་།ཚུལ་འདི་དག་ནི་ཚོལ་བྱེད་པ། །ཀུན་དགའ་དེ་ནི་དེ་ཡི་ཚེ། །བྱམས་དང་ཕྲད་པར་ལུང་བསྟན་བྱ། །ཤཱཀྱ་སེངྒེ་དེ
426b6 ཡིས་ནི|་|མདོ་འདི་བཤད་པ་དེ་མོད་ལ། །སྲོག་ཆགས་སྟོང་ཕྲག་བརྒྱད་ཅུ་གང་། །བྱང་ཆུབ་ལ་ནི་མངོན་པར་ཞུགས། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ
426b7 བཀའ་སྩལ་པ། ཀུན་དགའ་བོ། དགེ་སློང་ཆོས་བཞི་དང་ལྡན་ན་སངས་རྒྱས་ཀྱི་བྱང་ཆུབ་སྤོང་བར་བྱེད་དེ། བཞི་གང་ཞེ་ན། ཀུན་དགའ་བོ། འདི་ལ་དགེ་སློང་ལྷག་པའི་ང་རྒྱལ
iiif viewer powered by OpenSeadragon
