| e-texts navigator |
| Wylie |
424b1 འདི་ཚུལ་ལ་ནི། །སྤྲོ་བར་བྱེད་པ་དེ་དག་ལ། །ཕྱི་དུས་ཚེ་ན་ང་ཡིས་ནི། །འདི་འདྲ་བ་ཡི་ཆོས་བཤད་བྱ། །ང་ཡི་ཆོས་ནི་འདི་འདྲ་དག་།ཐོས་ནས་བཟུང་སྟེ་མང་དུ་ཐོས། །དེ་དག་གིས་ནི་ཏིང
424b2 ངེ་འཛིན། །སྣང་བྱེད་ཅེས་བྱ་དེ་རིང་ཐོབ། །ཕྱི་མའི་དུས་ན་དེ་དག་གིས། །ཏིང་ངེ་འཛིན་ལ་གནས་ནས་ནི། །སྲོག་ཆགས་ཀུན་ལ་ཕན་པའི་ཕྱིར། །ང་ཡི་ཆོས་ནི་འཛིན་པར་འགྱུར། །དེ་ཚེ
424b3 གང་དག་ཁ་ཅིག་གིས། །མདོ་འདི་འཛིན་འགྱུར་ང་ཡིས་ནི། །དེ་བཞིན་གཤེགས་པ་མ་མཐོང་ཞེས། །ཐེ་ཚོམ་དག་ནི་བསྐྱེད་མི་བྱ། །ཕྱི་དུས་ངན་འགྲོ་ཆེན་པོ་སྟེ། །དེ་ཚེ་གང་དག་མི་རྣམས
424b4 ཀྱིས|་|ཏིང་འཛིན་མིང་ནི་ཉན་བྱེད་པ། །ཐམས་ཅད་ང་ཡི་མདུན་ན་འཁོད། །མདོ་འདི་དག་ནི་བསྒྲགས་པ་ཡི། །ང་ཡི་སྲས་ནི་འདིར་ཡོད་རྣམས། །ཕྱི་དུས་དམ་ཆོས་འཇིག་པའི་ཚེ། །དེ་དག
424b5 ཆོས་ནི་སྐྱོང་བར་འགྱུར། །གང་དག་ཁ་ཅིག་མདོ་འདི་ནི། །ཐོབ་པར་བྱ་ཕྱིར་དེ་ཚེ་བརྩོན། །ཀུན་དགའ་དེ་དག་ཐམས་ཅད་ནི། །སངས་རྒྱས་སྤྱན་གྱིས་ངས་མཐོང་ངོ་། །ཀུན་དགའ་དེ་ཕྱིར
424b6 ཁྱོད་ལ་ནི། །བྱང་ཆུབ་མཆོག་མ་གཏད་བྱ་སྟེ། །སྲོག་ཆགས་རྣམས་ལ་བཤད་པ་ལྟར། །ཁྱོད་ལ་འདི་ནི་གཞག་པར་བྱ། །ཁ་ཅིག་མདོ་འདི་བསྲུང་བའི་ཕྱིར། །དེ་ཚེ་བརྩོན་པར་བྱེད་པ་དག་།
424b7 དེ་དག་གིས་ནི་ང་བསྲུངས་པས། །སངས་རྒྱས་བསྲུངས་པའང་མཐའ་ཡས་སོ། །དེ་ལྟར་ཆོས་སྲུང་བྱས་པས་ནི། །མི་དེ་དག་ནི་སྲུང་བར་འགྱུར། །མདོ་འདི་ཕྱོགས་བཞིར་དེ་དག་གིས། །
iiif viewer powered by OpenSeadragon
