| e-texts navigator |
| Wylie |
423b1 བ་རྒྱད་པོ་དེ་དག་ཐམས་ཅད་ཀྱིས་ཤར་ཕྱོགས་ལོགས་ན་གངྒཱའི་ཀླུང་གི་བྱེ་མ་སྙེད་དང་མཉམ་པའི་སངས་རྒྱས་བཅོམ་ལྡན་འདས་རྣམས་མཐོང་བར་འགྱུར་བ་དེ་ལྟ་བུའི་རྫུ་འཕྲུལ
423b2 མངོན་པར་འདུ་མཛད་པ་དག་མངོན་པར་འདུ་མཛད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དེ་བཞིན་གཤེགས་པས་གསུངས
423b3 པའི་ཆོས་ཀྱི་རྣམ་གྲངས་རྒྱ་ཆེན་པོ་འདི་བསྟན་ཅིང་བཤད་པ་ན། ཁྱིམ་བདག་བརྒྱད་པོ་དེ་དག་གིས་ཀུན་ཏུ་སྣང་བ་ཞེས་བྱ་བའི་ཏིང་ངེ་འཛིན་ཐོབ་ནས་རབ་ཏུ་སྒྲོག་པར་འགྱུར་རོ། །དེ་ནས
423b4 བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །ཀུན་དགའ་ཁྱོད་ཀྱིས་འདི་དག་ན། །དགེ་སློང་བརྒྱད་པོ་ངའི་མདུན་ན། །ཡེ་ཤེས་ཆེན་པོ་བྱིན་བརླབ་གསོལ། །ཐུབ་པ
423b5 ཆེན་པོ་བྱིན་བརླབ་གསོལ། །མགོན་པོ་བདག་ཅག་སླད་དུས་ཚེ། །འདི་འདྲའི་ཆོས་དག་བཤད་བགྱི་ཞེས། །ཐལ་མོ་སྦྱར་ནས་ཆོས་ཀྱི་ཕྱིར། །གསོལ་པ་འདེབས་པ་མཐོང་གྱུར་ཏམ། །གང
423b6 དང་ཐབས་ཅིག་བགྲོ་མཛད་ཅིང་། །གང་ན་སངས་རྒྱས་གང་སྒྲོག་རྣམས། །གང་དག་མདོ་འདི་འཛིན་བྱེད་པ། །དེ་ལ་ཐམས་ཅད་སྲུང་བར་མཛད། །གང་དག་བལྟ་དཀའ་ཆོས་སྤྱོད་པས། །
423b7 སངས་རྒྱས་དེ་དག་དང་མི་འབྲལ། །གང་ཞིག་འདི་ནི་ལུང་ནོད་པ། །དེ་བཞིན་ཉིད་ལ་གནས་པར་འགྱུར། །ང་ཡིས་བགྲོ་བ་བཤད་པ་འདི། །གང་དག་ལུང་ནོད་འགྱུར་པ་རྣམས། །དེ་དག
iiif viewer powered by OpenSeadragon
