| e-texts navigator |
| Wylie |
423a1 གྱུར་པ་དེ་དག་ཐམས་ཅད་སྟན་ལས་ལངས་ཏེ་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བྱིན་གྱིས་བརླབ་ཏུ
423a2 གསོལ|་བཅོམ་ལྡན་འདས། བདག་ཅག་གིས་ཀྱང་སླད་མའི་དུས་ན་ཆོས་ཀྱི་རྣམ་གྲངས་འདི་རྒྱས་པར་བགྱིའོ། །དེའི་ཚེ་དེའི་དུས་ན་ལྷའི་དབང་པོ་བརྒྱ་བྱིན་དང་། མི་མཇེད་ཀྱི
423a3 བདག་པོ་ཚངས་པ་དང་། རྒྱལ་པོ་ཆེན་པོ་བཞི་པོ་དག་འདུས་ཤིང་འདུག་པར་གྱུར་ཏེ། དེ་དག་གིས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས
423a4 ཆོས་ཀྱི་རྣམ་གྲངས་འདི་བྱིན་གྱིས་བརླབ་ཏུ་གསོལ། བཅོམ་ལྡན་འདས། བདག་ཅག་གིས་ནི། ཆོས་སྨྲས་པ་དེ་དག་བསྲུང་ཞིང་བསྐྱབ་པར་བགྱིའོ། །བརྩོན་པར་བགྱིའོ། །ཀུན
423a5 ཏུ་བསྲུང་བར་བགྱིའོ། །དེ་ནས་བཅོམ་ལྡན་འདས་ཀྱི་སྐུ་ལས་འོད་ཕྱུང་སྟེ། འོད་རེ་རེ་ལས་ཀྱང་སྤྲུལ་པ་དག་སྤྲུལ་ཏོ། །སྤྲུལ་པ་རེ་རེ་པོས་ཀྱང་དགེ་སློང་དེ་དག་ལ་མེ་ཏོག་དང་།
423a6 སྤོས་རྣམ་པ་སྣ་ཚོགས་ཀྱིས་གཏོར་ཏོ། །མངོན་པར་གཏོར་ཏོ། །དེ་ནས་བཅོམ་ལྡན་འདས་ཀྱིས་ཡང་རྫུ་འཕྲུལ་མངོན་པར་འདུ་མཛད་པ་འདི་ལྟ་བུ་མངོན་པར་འདུ་མཛད་དེ། ཁྱིམ
423a7 བདག་གི་བུ་བཟང་སྐྱོང་དང་། དེད་དཔོན་བཟང་པོ་དང་། ཕུག་སྦས་དང་། སྡོང་བུས་བྱིན་དང་། ཆུ་ལྷ་དང་། དབང་པོས་བྱིན་དང་། རིགས་ཀྱི་བུ་མིས་བྱིན་དང་། སྐྱེས་བུ་དམ་པ
iiif viewer powered by OpenSeadragon
