| e-texts navigator |
| Wylie |
299b1 ཚེ་སེམས་ཅན་རྣམས་འདི་སྙམ་དུ་དེ་བཞིན་གཤེགས་པ་ནི། བདག་ཅག་ཁོ་ན་ལ་ཆོས་སྟོན་ཏོ། །འདི་ན་དེ་བཞིན་གཤེགས་པ་ཆོས་སྟོན་ཏོ། །འདིར་དེ་བཞིན་གཤེགས་པ་སྐྱེས་སོ། །འདིར
299b2 ཆོས་ཀྱི་འཁོར་ལོ་བསྐོར་རོ། །ཆོས་ཀྱི་འཁོར་ལོ་བསྐོར་ནས་ཆོས་བསྟོན་ཏོ་སྙམ་མོ། །མི་ཕམ་པ། འདི་ལ་ང་ནི། ཐབས་འདིས་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ཏུ་སྔ་དྲོའི
299b3 དུས་ཀྱི་ཚེའང་ཆོས་སྟོན་ཅིང་དེ་ལྟར་སངས་རྒྱས་ཀྱི་མཛད་པ་མཛད་དོ། །ཉི་མ་གུང་གི་དུས་ཀྱི་ཚེའང་དེ་ལྟར་སངས་རྒྱས་ཀྱི་མཛད་པ་མཛད་དོ། །ཕྱི་དྲོའི་དུས་ཀྱི་ཚེའང་དེ་ལྟར་སངས
299b4 རྒྱས་ཀྱི་མཛད་པ་མཛད་དེ། ཆོས་ཐམས་ཅད་དང་། སེམས་ཅན་ཐམས་ཅད་དང་། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པའི་སྤྱན་ཐོགས་པ་མི་མངའ་བར
299b5 གཟིགས་པ་དང་། ཤེས་རབ་དང་ཡེ་ཤེས་ཀྱི་གཟིགས་པ་འཇུག་སྟེ། དེ་ལྟར་སངས་རྒྱས་ཀྱི་ཡུལ་བསམ་གྱིས་མི་ཁྱབ་ཅིང་ཚད་མེད་ན་དེ་ལ་དེ་དག་འདི་ལྟར་ཆོས་སྤོང་བ་ལ་གནས
299b6 པས་བྱང་ཆུབ་སེམས་དཔས་འདི་ལ་ནི། བསླབ་པར་བྱའོ། །འདི་ལ་ནི། བསླབ་པར་མི་བྱའོ། །ཞེས་ཟེར་ཏེ། གང་སུ་དག་ཆོས་སྤོང་བར་གནས་པ་དེ་དག་ནི། སངས་རྒྱས་ལ་སྐུར་པ
299b7 འདེབས་པར་གནས་པ་ཡིན། གང་དག་སངས་རྒྱས་ལ་སྐུར་བ་འདེབས་པར་གནས་པ་དེ་དག་ནི། འདི་ལྟ་སྟེ། ངན་སོང་གི་གཡང་སའི་ས་ལ་གནས་པ་ཡིན་ཏེ། དེ་དག་ནི། ཆོས་ཀྱིས
iiif viewer powered by OpenSeadragon
