| e-texts navigator |
| Wylie |
289b1 ད་ཨེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་རྣམ་པར་འཐག་པ་ཐམས་ཅད་བསྡུས་པའི་མདོའི་ཆོས་ཀྱི་རྣམ་གྲངས་འདི་མ་གསུངས་པ་དེ་མི
289b2 བཞུགས་སོ། །མ་འོངས་པའི་དུས་ན་དེ་བཞིན་གཤེགས་པ་འབྱུང་བ་གང་ཆོས་ཀྱི་རྣམ་གྲངས་འདི་གསུང་བར་མི་འགྱུར་བ་གང་ཡང་མི་འབྱུང་ངོ་། །དེ་ཅིའི་ཕྱིར་ཞེ་ན། གང་ཞིག
289b3 ཆོས་འདི་ལ་སྦྱང་པ་མ་བྱས་པར་ཆོས་སྟོན་པ་དེ་ནི། དེ་བཞིན་གཤེགས་པ་ལ་སྐུར་བ་འདེབས་པ་ཡིན། ཆོས་སྤོང་བ་ཡིན། དགེ་འདུན་ལ་སྨོད་པ་ཡིན་ནོ། །སུ་དཀོན་མཆོག་གསུམ
289b4 ལ་ལོག་པར་ཞུགས་པ་དེ་ནི། ངས་ངོ་ན་སོང་བ་སེམས་ཅན་དམྱལ་བ་པར་གསུངས་སོ། །བྱམས་པ། དེ་ལྟ་བས་ན། རིགས་ཀྱི་བུའམ་རིགས་ཀྱི་བུ་མོ་བྱང་ཆུབ་ལ་ཡང་དག་པར་ཞུགས་པ
289b5 གང་དག་བདག་ལ་འཁྲུལ་པ་མེད་པར་འདོད་པ་དེ་དག་གིས་ཆོས་ཀྱི་རྣམ་གྲངས་འདི་རྟོགས་པར་ཁོང་དུ་ཆུད་པར་བྱས་ལ་དེ་ནས་གདོད་ཆོས་བསྟན་པར་བྱའོ། །བྱམས་པ། ཕྱི་མའི
289b6 དུས་ན་དམ་པའི་ཆོས་བསྡུ་བ་འདི་ཁྱོད་ཀྱི་ལས་ཡིན་གྱི། སོམས་ཤིག་།བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་བཅོམ་ལྡན་འདས། དེ་བཞིན་ནོ། །ཞེས་གསོལ
289b7 ཏེ་བཅོམ་ལྡན་འདས་ཀྱི་ལྟར་ཉན་ཏོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བོས་ཏེ་འདི་སྐད་ཅེས་བཀའ་སྩལ་ཏོ། །མི་ཕམ་པ། གང
iiif viewer powered by OpenSeadragon
