| e-texts navigator |
| Wylie |
285b1 ཞེན་ཏེ|་མངོན་པར་ཞེན་པར་གྱུར་ནས་རྗེས་སུ་ཆགས་པར་འགྱུར་རོ། །རྗེས་སུ་ཆགས་ནས་ཀུན་ཏུ་ཆགས་པར་འགྱུར་རོ། །ཀུན་ཏུ་ཆགས་ནས་འདོད་ཆགས་ལས་བྱུང་བ་དང་། ཞེ
285b2 སྡང་ལས་བྱུང་བ་དང་། གཏི་མུག་ལས་བྱུང་བའི་ལས་ལུས་དང་། ངག་དང་། ཡིད་ཀྱིས་མངོན་པར་འདུ་བྱེད་དེ། ལས་དེ་མངོན་པར་འདུས་བྱས་པར་གྱུར་ནས་འགག་གོ་།འགག་པ
285b3 ན་ཤར་ཕྱོགས་སུ་བརྟེན་ཏེ་གནས་པ་མ་ཡིན། ལྷོ་ཕྱོགས་སུ་མ་ཡིན། ནུབ་ཕྱོགས་སུ་མ་ཡིན། བྱང་ཕྱོགས་སུ་མ་ཡིན། སྟེང་དུ་མ་ཡིན། འོག་ཏུ་མ་ཡིན། ཕྱོགས་མཚམས
285b4 རྣམས་སུ་བརྟེན་ཏེ་གནས་པ་མ་ཡིན་ནོ། །དུས་གཞན་ཇི་ཙམ་ཞིག་ན་འཆི་བའི་དུས་དང་ཚོད་ཉེ་བར་གནས་པའི་ཚེ་དེ་དང་སྐལ་པ་འདྲ་བའི་ལས་ཟད་ནས་རྣམ་པར་ཤེས་པ་ཐ་མ
285b5 འགག་པའི་ཚེ་འདི་ལྟ་སྟེ། དཔེར་ན། ཉལ་ཉལ་བ་ལས་སད་པའི་མིའི་ཡུལ་གྱི་བུད་མེད་བཟང་མོ་ལྟ་བུར་ལས་དེ་ཡིད་ལ་མངོན་དུ་འགྱུར་རོ། །རྒྱལ་པོ་ཆེན་པོ། དེ་ལྟར་རྣམ་པར
285b6 ཤེས་པ་ཐ་མ་འགག་ཅིང་སྐྱེ་བའི་ཆར་གཏོགས་པའི་རྣམ་པར་ཤེས་པ་དང་། པོ་ཡང་ན་ནི། ལྷའི་ནང་དུ། ཡང་ན་ནི། མིའི་ནང་དུ། ཡང་ན་ནི། ལྷ་མ་ཡིན་གྱི་ནང་དུ། ཡང་ན་ནི། སེམས
285b7 ཅན་དམྱལ་བའི་རྣམས་སུ། ཡང་ན་ནི། དུད་འགྲོ་རྣམས་སུ། ཡང་ན་ནི། ཡི་དྭགས་རྣམས་སུ་འབྱུང་བར་འགྱུར་རོ། །རྒྱལ་པོ་ཆེན་པོ། རྣམ་པར་ཤེས་པ་དང་བོ་དེ་འགགས་མ
iiif viewer powered by OpenSeadragon
