| e-texts navigator |
| Wylie |
283b1 གྱི་ཁམས་གཞན་དུ་བྱོ་སྟེ། མ་རུ་ཀའི་ཏིལ་མར་གྱིས་རྒྱ་མཚོ་ཆེན་པོ་བཞི་ལྟར་བཀང་བའི་ནང་དུ་སྙིང་པོ་རི་རབ་ཙམ་བཙུགས་ལ། བསྐལ་པ་མང་པོའི་མཐའི་ཇི་སྲིད་པར་མར་མེའི་རྒྱུན
283b2 མི་འཆད་པར་བུས་ན། ཤཱ་རིའི་བུ། དེ་ཇི་སྙམ་དུ་སེམས། སྐྱེས་བུ་དེ་གཞི་དེ་ལས་བསོད་ནམས་མང་དུ་གསོག་སྙམ་མམ། གསོལ་པ། བཅོམ་ལྡན་འདས། མང་ལགས་སོ། །བདེ
283b3 བར་གཤེགས་པ། མང་ལགས་སོ། །ཉན་ཐོས་དང་། རང་སངས་རྒྱས་ཐམས་ཅད་ལས་འདས་པ་ལགས་ཏེ། བཅོམ་ལྡན་འདས། འདི་ནི། དེ་བཞིན་གཤེགས་པའི་ཡུལ་ལོ། །
283b4 བདེ་བར་གཤེགས་པ། འདི་ནི། དེ་བཞིན་གཤེགས་པའི་ཡུལ་ལོ། །བཀའ་སྩལ་པ། ཤཱ་རིའི་བུ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་སངས་རྒྱས་དང་། ཆོས་དང་།
283b5 དགེ་འདུན་ལ་སྐྱབས་སུ་སོང་བའི་བསོད་ནམས་ཀྱི་ཕུང་པོ་དེ་ལ་བསོད་ནམས་ཀྱི་ཕུང་པོ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ་སྟེ། སྟོང་དང་། བརྒྱ་སྟོང་གི་ཆ་དང་། གྲངས་དང་། རྒྱུ
283b6 དང་། བགྲང་བར་ཡང་ཉེ་བར་མི་འགྲོའོ། །དེ་ནས་ཆོས་ཀྱི་རྣམ་གྲངས་འདི་བཤད་པའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གཡོས། རབ་ཏུ་གཡོས། ཀུན་ཏུ་རབ
283b7 ཏུ་གཡོས། འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། ལྡེག་།རབ་ཏུ་ལྡེག་གོ་།ཀུན་ཏུ་རབ་ཏུ་ལྡེག་གོ་།དེའི་ཚེ་དེར་ཀློག་གི་རྒྱུན་ཆེན་པོ་བྱུང་ངོ་། །ལྷ་རྣམས་ཀྱིས་ཀྱང་རྔ་སྒྲ་བསྒྲགས
iiif viewer powered by OpenSeadragon
