| e-texts navigator |
| Wylie |
280a1 ཀུན་དགའ་བོ། འདོད་ཆགས་དང་། ཞེ་སྡང་དང་། གཏི་མུག་རྣམས་ནི། སྤང་དུ་མེད་པ་ཁོ་ན་སྟེ། འདོད་ཆགས་དང་། ཞེ་སྡང་དང་། གཏི་མུག་རྣམས་ཡ
280a2 མ་བརླ་ཡིན་པའི་ཕྱིར་རོ། །ཀུན་དགའ་བོ། སྐད་གཅིག་པ་རྣམས་ནི། སྤང་བར་བྱ་བ་མ་ཡིན་ཏེ། མེད་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད
280a3 ཅེས་གསོལ་ཏོ། །བཅོམ་ལྡན་འདས། ཇི་ལྟར་དེ་བཞིན་གཤེགས་པ་བལྟར་མ་མཆིས་པ་ལགས། ཇི་ལྟར་ཆོས་མཉན་དུ་མ་མཆིས་པ་ལགས། ཇི་ལྟར་དགེ་འདུན་བསྙེན་བཀུར་བགྱིར་མ
280a4 མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་བཞིན་གཤེགས་པ་ནི། བསྟན་དུ་མེད་པ་སྟེ། དེ་ནི། མིག་གིས་བལྟ་བར་མི་ནུས་སོ། །ཀུན་དགའ་བོ།
280a5 ཆོས་ནི། བརྗོད་དུ་མེད་པ་སྟེ། དེ་ནི། རྣ་བས་མཉན་པར་མི་ནུས་སོ། །ཀུན་དགའ་བོ། དགེ་འདུན་ནི། འདུས་མ་བྱས་པ་སྟེ། དེ་ནི། ལུས་སམ། ངག་གམ། སེམས་ཀྱིས་བསྙེན་བཀུར་བྱར
280a6 མི་ནུས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་འདི་ལྟར་རྟོགས་པར
280a7 དཀའ་བ་ནི། ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་ནི། ཁྱོད་ཇི་སྐད་ཟེར་བ་དེ་བཞིན་ཏེ། རྣམ་གྲངས་འདིས་ན་སངས་རྒྱས་བཅོམ་ལྡན་འདས
iiif viewer powered by OpenSeadragon
