| e-texts navigator |
| Wylie |
249a1 ཐམས་ཅད་ཀྱིས་འཇུག་པར་མི་ནུས་སོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ནས་ནུབ་ཕྱོགས་སུ་གླིང་ཆེན་པོ་བཞི་པའི
249a2 འཇིག་རྟེན་གྱི་ཁམས་ཉི་ཁྲི་ཉིས་སྟོང་འདས་པ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་རིན་ཆེན་སྣ་ཚོགས་ཅན་ཞེས་བྱ་བ་རིན་པོ་ཆེ་སྣ་བདུན་གསེར་དང་། དངུལ་དང་། བཻ
249a3 ཌཱུཪྱ་དང་། ཤེལ་དང་། རྡོའི་སྙིང་པོ་དང་། མུ་ཏིག་དམར་པོ་དང་། སྤུག་ལས་གྲུབ་པ་ཞིག་ཡོད་དེ། མཽདྒལ་གྱི་བུ། འཇིག་རྟེན་གྱི་ཁམས་དེ་ན་རིན་པོ་ཆེ་ལས་བྱས་པའི་འཆགས
249a4 དག་དང་། རིན་པོ་ཆེ་ལས་བྱས་པའི་ཁང་པ་བརྩེགས་པ་དག་དང་། རིན་པོ་ཆེའི་སྟེགས་བུས་བརྒྱན་པའི་རྫིང་བུ་དག་ཀྱང་ཡོད་དོ། །བཟའ་བ་དང་། བཏུང་བ་དང་། གོས་ཀྱང་བསམ
249a5 པ་ཙམ་གྱིས་འབྱུང་བར་འགྱུར་ཏེ། དཔེར་ན། དགའ་ལྡན་གྱི་ལྷ་རྣམས་ཀྱི་ཉེ་བར་སྤྱོད་པ་དང་། ལོངས་སྤྱོད་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་དེ་ན་འཁོད་པའི་མི་དེ་དག
249a6 གི་ཉེ་བར་སྤྱོད་པ་དང་། ལོངས་སྤྱོད་ཀྱང་དེ་དང་འདྲའོ། །དེ་ན་བུད་མེད་ཀྱི་མིང་ཡང་མི་གྲག་གོ་།དེ་ན་བུད་མེད་སྐྱེ་བའང་མེད་དོ། །དེ་ན་སེམས་ཅན་དེ་དག་འཁྲིག་པའི་ཆོས་ཀུན
249a7 ཏུ་སྤྱོད་པའང་མེད་དོ། །སེམས་ཅན་དེ་དག་འདོད་པའི་རྟོག་པའང་མི་བྱེད། གནོད་སེམས་ཀྱི་རྟོག་པའང་མི་བྱེད། རྣམ་པར་འཚེ་བའི་རྟོག་པའང་མི་བྱེད་དོ། །དེ་ན་སུའང་མངལ
iiif viewer powered by OpenSeadragon
