| e-texts navigator |
| Wylie |
314b1 དེ་ལ་གནོད་པར་བྱེད་དོ། །གལ་ཏེ་འདི་ལྟ་བུའི་སེམས་འབྱུང་ན། བཅོམ་ལྡན་འདས་ཀྱང་སྡིག་བྱེད་པ་རྣམ་པ་མང་པོ་སྟོན་ཏེ། མ་འོངས་པའི་སེམས་ཅན་འདི་ལྟ་བུའི་སྡིག་མ་རུངས་པ་བྱེད
314b2 པ་འབྱུང་བ་དག་ལའང་དེ་བཞིན་གཤེགས་པ་ནི་སངས་རྒྱས་ཀྱི་སྒྱུ་མ་ཆེན་པོའི་ཐབས་ཀྱིས་སྐུ་སྟོན་ཏོ་ཞེས་ཟེར་ནས་མི་སྣང་བར་གྱུར་ཏོ། །དེ་ནས་ཡང་རྒྱལ་པོ་ཤིན་ཏུ་ངོ་མཚར་དུ
314b3 གྱུར་ཏེ། བཅོམ་ལྡན་འདས་ལ་གསོལ་པ། བཅོམ་ལྡན་འདས། ཅི་སྒྱུ་མ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། མཁན་པོ་དང་། མཁན་པོའི
314b4 ཆུང་མ་དང་། དེའི་སྒྱུ་མ་གསུམ་གྱིས་སྨྲས་པ་བཞིན་ཏེ། ངའི་སྒྱུ་མ་ནི་བསམ་གྱིས་མི་ཁྱབ་པས་རྣམ་པ་དེ་གསུམ་དུ་སྤྲུལ་པ་ཡིན་ཏེ། སེམས་ཅན་བྱེ་བ་མང་པོ་བསྒྲལ་བའི་ཕྱིར
314b5 སོར་མོའི་ཕྲེང་བ་དེ་ལྟར་བྱོན་པ་ཡིན་ནོ། །རྒྱལ་པོས་གསོལ་པ། བཅོམ་ལྡན་འདས། བདག་གིས་དགུང་བདུན་ནས་སྦྱིན་པ་ཆེན་པོ་སྩལ་ན། དེ་བཞིན་གཤེགས་པ་སོར་མོའི
314b6 ཕྲེང་བ་ལྷོ་ཕྱོགས་ལོགས་ཀྱི་སྦྱིན་གནས་སུ་གྱུར་ཅིག་། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། དེ་བཞིན་དུ་གྱུར་ཅིག་།དེ་ནས་ལྷ་དང་། མི་དང་། ལྷ་མ་ཡིན་དུ་བཅས
314b7 པའི་འཇིག་རྟེན་གྱིས་མགྲིན་གཅིག་ཏུ་ཚིགས་སུ་བཅད་པ་འདི་དག་སྨྲས་སོ། །སྒྱུ་མའི་རྒྱལ་པོ་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་ཆེན་ཐབས་ཀྱི་སྐུ། །ཐབས་ཀྱི་མཚན
iiif viewer powered by OpenSeadragon
