| e-texts navigator |
| Wylie |
312b1 ཐེག་པ་གཞན་གྱི་མིང་ཡང་མེད། རྒ་བ་དང་། ན་བ་དང་། སྡུག་བསྔལ་ཡང་མེད། བདེ་བ་ཐམས་ཅད་དང་རབ་ཏུ་ལྡན་པར་གྱུར་ཏེ། སེམས་ཅན་དེ་དག་ཚེ་དཔག་ཏུ་མེད། གཟི་བརྗིད་དང་།
312b2 ཁ་དོག་དཔག་ཏུ་མེད། འཇིག་རྟེན་ན་དཔེ་དང་། རྒྱུ་དང་། བྱེད་པ་མེད་དེ། རྟག་ཏུ་དགའ་ཞིང་མོས་པ་དང་། དཔེ་མེད་པ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
312b3 པའི་སངས་རྒྱས་མོས་པ་རབ་ཏུ་དགའ་བའི་སྙིང་པོ་ནོར་བུ་རིན་པོ་ཆེ་བརྩེགས་པའི་རྒྱལ་པོ་ད་ལྟར་བཞུགས་ཏེ། འཚོ་ཞིང་གཞེས་པ་དེ་ལ་རྒྱལ་པོ་ཆེན་པོ་ཐལ་མོ་སྦྱར་ཏེ་རྗེས་སུ་ཡི་རང་བ
312b4 བར་བྱོས་ཤིག་། དེ་བཞིན་གཤེགས་པ་དེ་གཞན་མ་ཡིན་ཏེ། འཇམ་དཔལ་གཞོན་ནུར་གྱུར་པ་འདི་ཉིད་ཡིན་ནོ། །འཇམ་དཔལ་གཞོན་ནུར་གྱུར་པ་དང་། སོར་མོའི་ཕྲེང་བ་གཉིས
312b5 ཀྱི་མིང་གང་གིས་ཐོས་སམ། དེ་ལ་རྟག་ཏུ་ཕྱག་འཚལ་ན། སེམས་ཅན་དེ་དག་གི་ཁྱིམ་ཉིད་དུ་དགའ་བ་ཅན་གྱི་འཇིག་རྟེན་མཐོང་སྟེ། ངན་འགྲོ་རྣམ་པ་བཞིའི་སྒོ་གཅད་པར་འགྱུར
312b6 རོ|་|དེ་གཉིས་ཀྱི་མིང་ཐོས་ནས་ཕྱི་རོལ་པ་རྣམས་དང་། ཕས་ཕམ་པ་དང་། མཚམས་མེད་པར་གྱུར་པས་འཕྱ་བའམ། སྟིང་བའམ། འདྲན་ཏོར་རམ། གཞན་གྱིས་བཟླས་སམ།
312b7 རྙེད་པ་དང་། བཀུར་སྟི་དང་། ཚིགས་བཅད་ཀྱི་ཕྱིར་ཡང་རུང་སྟེ། དེ་དག་གིས་ངན་འགྲོ་བཞིའི་སྒོ་གཅད་པར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་གང་གིས་འདི་གཉིས
iiif viewer powered by OpenSeadragon
