| e-texts navigator |
| Wylie |
312a1 འཇམ་པའི་ཞབས་ལ་བཟོད་པར་གསོལ། །དེ་བཞིན་གཤེགས་པ་སོར་ཕྲེང་མཚོན་འཛིན་པ། །བྲམ་ཟེའི་གཟུགས་ཀྱིས་བདག་ཅག་དོན་ཕྱིར་གཤེགས།
312a2 སངས་རྒྱས་སྐུ་མདོག་འབར་བ་དེང་འདིར་གཤེགས། །དཔལ་ལྡན་གཟི་བརྗིད་མཐུ་མངའ་བཟོད་པར་གསོལ། །ཚིག་གིས་མངོན་དུ་གསུང་བ་མཐའ་ཡས་སྐུ། །ཁྱེད་ནི་ཡང་དང་ཡང
312a3 བྱིང་མང་པོ་ཡི། །ཡང་དག་སངས་རྒྱས་སྐྱབས་བྱེད་སྐྱབས་སུ་གྱུར། །གཉེན་མེད་རྣམས་ཀྱི་གཉེན་དུ་གྱུར་པ་ཁྱོད། །སངས་རྒྱས་འཇིག་རྟེན་འདས་པ་གཉིས་མཛེས་ཏེ། །འདི་ནི་ཆོས
312a4 སྤྱོད་ཤིན་ཏུ་ངོ་མཚར་རྨད། །མི་ལས་པད་མོ་སྐྱེ་བ་ངོ་མཚར་བཞིན། །འཇིག་རྟེན་སངས་རྒྱས་གཉིས་སྟོན་མཆོག་དེ་འདྲ། །དེ་ནས་བཅོམ་ལྡན་འདས་ཀྱིས་མཛོད་འཛིན་གྱི་རྒྱལ་པོ་གསལ
312a5 རྒྱལ་ལ་བཀའ་སྩལ་པ། ལྟོས། རྒྱལ་པོ་ཆེན་པོ། སངས་རྒྱས་ཀྱི་ཞིང་འདི་ནས། བྱང་ཕྱོགས་ལོགས་སུ་གངྒཱའི་ཀླུང་བཞི་བཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་གྱི་ཁམས་འདས་པ
312a6 ན|་འཇིག་རྟེན་གྱི་ཁམས་རྟག་པར་རབ་ཏུ་དགའ་བ་སྡུག་ཅིང་མོས་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མོས་པ་རབ་ཏུ
312a7 དགའ་བའི་སྙིང་པོ་ནོར་བུ་རིན་པོ་ཆེ་བརྩེགས་པའི་རྒྱལ་པོ་ད་ལྟར་བཞུགས་ཏེ། འཚོ་ཞིང་གཞེས་པ་དེ་ནི་ཉན་ཐོས་དང་། རང་སངས་རྒྱས་ཐམས་ཅད་མེད། ཐེག་པ་གཅིག་ལས
iiif viewer powered by OpenSeadragon
