| e-texts navigator |
| Wylie |
310a1 བཞིན་དུ་སྙོམས་པར་གཟིགས་པ་ལ་སྐྱབས་སུ་མཆིའོ། །དེ་ནས་ཡན་ལག་བཞི་པའི་དཔུང་གི་ཚོགས་ཐམས་ཅད་སྒྲ་དེ་ཐོས་ནས། གླང་པོ་དང་། རྟ་དང་།
310a2 བལ་གླང་དང་། རྐང་ཐང་བའི་དམག་དེ་རྣམས་སྡེ་གྱེས་པ་བཞིན་དུ་ཉམས་ཏེ། ལ་ལ་ནི་བརྒྱལ། ལ་ལ་ནི་འགྱེལ། ལ་ལ་ནི་འཆི་ལ་ཐུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས
310a3 མཛོད་འཛིན་གྱི་རྒྱལ་པོ་གསལ་རྒྱལ་ལ་བཀའ་སྩལ་པ། རྒྱལ་པོ་ཆེན་པོ། ཚིགས་སུ་བཅད་པ་འདི་ཉོན་ཅིག་དང་། གནོད་པ་མེད་པར་འགྱུར་གྱི་མ་སྐྲག་ཅིག་།གང་ཞིག་སྔ་ན་བག
310a4 མེད་པ། །བག་ཡོད་པར་ནི་ཕྱིས་འགྱུར་ན། །སྤྲིན་ལས་བྱུང་བའི་ཟླ་བ་བཞིན། །འཇིག་རྟེན་འདི་ན་སྣང་བར་བྱེད། །དེ་ནས་བཅོམ་ལྡན་འདས་ཀྱིས་སྐྱེ་བོ་ཐམས་ཅད་དབུགས་དབྱུང་བའི
310a5 ཕྱིར་འཇིགས་པ་མེད་པའི་རྣམ་པ་ཞེས་བྱ་བའི་འོད་ཟེར་བཏང་སྟེ། སེམས་ཅན་གང་འོད་ཟེར་དེས་རེག་པའི་སེམས་ཅན་དེ་དག་ཐམས་ཅད་བདེ་བར་གྱུར་ཏེ། མཛོད་འཛིན་གྱི་རྒྱལ
310a6 པོ་གསལ་རྒྱལ་གྱི་བཙུན་མོའི་འཁོར་དང་། བུ་དང་། གྲོང་གི་སྐྱེ་བོ་སེམས་ཅན་ཐམས་ཅད་དེ་བཞིན་གཤེགས་པས་སོར་མོའི་ཕྲེང་བ་བཏུལ་ལོ་སྙམ་སྟེ་ཐམས་ཅད་དེར་ལྷགས་སོ། །དེ་ནས
310a7 རྒྱལ་པོ་གསལ་རྒྱལ་གྱིས། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ། བཅོམ་ལྡན་འདས་ནི་མི་འདུལ་ཞིང་ཁ་ལོ་སྒྱུར་བ་ལྷ་དང་མིར་བཅས་པ་རྣམས་སྟོན་པས་སྡིག
iiif viewer powered by OpenSeadragon
