| e-texts navigator |
| Wylie |
308b1 ཤེལ་དང་། བྱུ་རུ་དང་། རིན་པོ་ཆེ་སྣ་བདུན་ས་ཡ་སྙེད་སྦྱིན་ན། །གོས་འདོད་པ་ལའང་ལྷའི་གོས་དང་། དར་དང་། རས་ཕྲན་ཀ་ཏམ་པ་དང་། ཡུལ་བ་ལང་གི་རས་དང་། ཡུལ་མ་ཏུ་ར་དང་།
308b2 བ་རུ་ཀ་ཙ་དང་། བ་རིད་དྲ་དང་། ལྷོ་ཕྱོགས་པ་དང་། སང་ཀ་ཤི་ཀ་དང་། ཀུ་རུ་པཉྩ་ལའི་རས་བམ་རྣམ་པ་མང་པོ་སྦྱིན་ནོ། །ཞིང་དོར་དང་། གྲོང་དང་། མ་ཧེ་དང་། བུད་མེད་འདོད་པའང
308b3 ཐམས་ཅད་ཀྱི་མཆོག་སྦྱིན་ནོ་ཞེས་བསྒྲགས་སོ། །དེ་ནས་སོར་མོའི་ཕྲེང་བའི་མིང་ཙམ་གྱིས་ཞམ་རིང་བ་ལ་གཏོགས་སོ་ཅོག་སྐྲག་སྟེ། གཅིག་ཀྱང་ཕྱིར་མ་བྱུང་ངོ་། །བཙུན་མོའི་འཁོར
308b4 དང་|་ཞམ་རིང་པའང་ཁྱི་དང་འདྲ་བར་གཞན་གྱི་དབང་དུ་གྱུར་པས་འཚོ་བ་འཆི་བ་ལ་ཐུག་པར་གྱུར་ཏེ། རང་རང་གི་ལག་ཆ་ཐོགས་ནས། བལ་གླང་བ་དང་། རྟ་པ་དང་། དཔུང་བུ་ཆུང
308b5 བ་རྣམས་རབ་ཏུ་བརྒྱན་ཏེ། རྒྱལ་པོ་ག་ལ་བ་དེར་འོངས་སོ། །དེ་ནས་བཙུན་མོའང་ཀྱི་ཧུད་འབོད་ཅིང་སྡིག་ཅན་དེའི་གན་དུ་མ་བཞུད་ཅིག་།སྐྱེ་བོ་ཐམས་ཅད་དང་། གཞན་གྱི་ཡུལ་འཁོར
308b6 རྣམས་ནི་མ་མཆིས་ཀྱང་མི་མང་ངོ་། །ལྷ་ལ་ཅུང་ཟད་ནོངས་པ་བྱུང་ང་རེ། དེ་ནས་མོ་འདེབས་པ་དང་། ལོ་རྩི་བ་དང་། མདུན་ན་འདོན་དང་། རིག་པ་དང་། ལྟས་འདེབས་པ་རྣམས་ལ
308b7 སོར་མོའི་ཕྲེང་བ་དེ་རིང་གསོད་དམ། མི་གསོད་དྲིས་ན། མོ་འདེབས་པ་དང་། ལོ་རྩི་བ་རྣམས་ཀྱིས་དེ་རིང་སོར་མོའི་ཕྲེང་བ་ཐལ་བར་འགྱུར་རོ་ཞེས་སྨྲས་སོ། །དེ་ནས་རྒྱལ་པོ་དེ་དག་གི
iiif viewer powered by OpenSeadragon
