| e-texts navigator |
| Wylie |
179a1 པར་བྱས་པ་ཡིན་ནོ། །ཉོན་མོངས་པ་རྣམས་བསལ་པ་ཡིན་ནོ། །ཆོས་ཀྱི་རྔ་ཤིན་ཏུ་བརྡུངས་པ་ཡིན་ནོ། །སྲིད་པ་གསུམ་རྣམ་པར་བཟློག་པ་ཡིན་ནོ། །ཕྱིར་རྒོལ་བ
179a2 རྣམས་ལས་ངེས་པར་རྒྱལ་བ་ཡིན་ནོ། །ཉོན་མོངས་པ་རྣམས་བསལ་བ་ཡིན་ནོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན
179a3 གྱི་ཁམས་གྲངས་མེད་པ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་བསྐལ་པར་དེ་བཞིན་གཤེགས་པ་ཐམས་ཅད་ལ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱེད་ཀྱང་། དེ
179a4 བཞིན་གཤེགས་པའི་སྔོན་གྱི་རྣམ་པར་འཕྲུལ་པ་འདི་ཐོས་ནས་དད་པར་མི་བྱེད་ན་དེ་ཉེས་པ་ཆེ་བ་ཡིན་ནོ། །དེ་བཞིན་གཤེགས་པའི་བཀས་རིགས་ཀྱི་བུ། དེ་དེ་བཞིན་གཤེགས
179a5 པ་ལ་རིམ་གྲོར་བྱ་བས་རིམ་གྲོར་བྱེད་པ་དང་། རིགས་ཀྱི་བུའམ། རིགས་ཀྱི་བུ་མོ་གང་གཞན་ཞིག་གིས་དེ་བཞིན་གཤེགས་པས་ཡང་དག་པར་བསྟན་པ་འདི་ཐོས་ནས་དད་ཅིང
179a6 སེམས་རབ་ཏུ་དང་བས་ལེགས་སོ་ཞེས་བྱ་བ་འབུལ་ན། གང་དེ་བཞིན་གཤེགས་པ་ལ་མཆོད་ཅིང་བསྙེན་བཀུར་བྱས་པ་དེ་བས་འདི་བསོད་ནམས་ཆེས་ལྷག་པར་བརྒྱ་ཕྲག་སྟོང
179a7 གསོག་པར་འགྱུར་རོ། །དེ་ལྟ་བས་ན་རིགས་ཀྱི་བུ་གང་དག་ང་ལ་སྐྱབས་སུ་སོང་བ་དེ་དག་གིས་མདོ་སྡེ་འདི་བྲི་བར་བྱ། བཅང་བར་བྱའོ། །དེ་ནས་བྱང་ཆུབ་སེམས་དཔའ་རྣམ་པར
iiif viewer powered by OpenSeadragon
