| e-texts navigator |
| Wylie |
177b1 ལྡན་འདས། དེ་བཞིན་གཤེགས་པ་ཆོས་འཕགས་ཀྱི་ལྗགས་ཀྱི་དབང་པོ་ཕྱུང་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ལྗགས་ཀྱི་དབང་པོས་ཡང་དག
177b2 པར་བཀབ་པར་གྱུར་ཏོ། །ལྗགས་ཀྱི་དབང་པོ་དེ་ལས་འོད་ཟེར་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བྱུང་སྟེ། འོད་ཟེར་དེ་དག་གིས་སེམས་ཅན་དམྱལ་བ་ཆེན་པོ་ལ་སོགས་པ་ནས་སྲིད
177b3 པའི་རྩེ་མོའི་བར་གྱི་འཇིག་རྟེན་གྱི་ཁམས་ཐམས་ཅད་སྣང་བར་བྱས་སོ། །དེ་ནས་བཅོམ་ལྡན་འདས་ཀྱི་ལྗགས་ཀྱི་དབང་པོ་དེ་ཉིད་སླར་བསྡུས་ནས་འཁོར་གྱི་དཀྱིལ་འཁོར་ཐམས་ཅད
177b4 ལ་བཀའ་སྩལ་པ། གྲོགས་པོ་དག། ལྕེ་འདི་ལྟ་བུ་ཡོད་པ་ནི་རྫུན་མི་ཟེར་ཏེ། གྲོགས་པོ་དག། ངས་གཏམ་ཅུང་ཟད་ཇི་ལྟ་བ་བཞིན་བཤད་པ་དེ་ལྟར་བརྟག་པ་དང་། དེ་ལྟར་དད་པ་དང་།
177b5 ཡིད་ཆེས་པར་གྱིས་ཤིག། དེ་ནས་ས་བཅུ་ལ་གནས་པ་དང་། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ
177b6 དང་། མི་དང་། མི་མ་ཡིན་པའི་འཁོར་ཐམས་ཅད་སྟན་ལས་ལངས་ཏེ་ཐལ་མོ་སྦྱར་ནས་ཚིག་མཐུན་པར་འདི་སྐད་ཅེས་གསོལ་ཏོ། །བཅོམ་ལྡན་འདས། ཡང་དག་པའི་དོན་བསྟན་པ་བཤད
177b7 དུ་གསོལ། བདེ་བར་གཤེགས་པ། བཤད་དུ་གསོལ། སངས་རྒྱས་ཀྱི་མཐུས་སོམ་ཉི་མི་བགྱི་ཞིང་ཐེ་ཚོམ་མི་བགྱིའོ། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར
iiif viewer powered by OpenSeadragon
