| e-texts navigator |
| Wylie |
177a1 བྲག་དང་། སྒྲ་ལ་བརྟེན་ནས་བྲག་ཅའི་སྒྲ་འབྱུང་ཡང་། རིགས་ཀྱི་བུ། རི་བྲག་གི་སྒྲ་ནི་སྟོང་པ་ཡིན་ནོ། །རིགས་ཀྱི་བུ། དེ་བཞིན་དུ་རྐྱེན་ལ་བརྟེན་ནས་ཡི་གེའི་སྒྲ་འབྱུང
177a2 བར་འགྱུར་ཏེ། ཡི་གེའི་སྒྲ་ནི་སྟོང་པ་ཡིན་ནོ། །རིགས་ཀྱི་བུ། སེམས་ཅན་གང་དག་བརྗོད་པ་དེ་ཐམས་ཅད་སོ་སོ་ཡང་དག་པར་རིག་པའི་ནང་དུ་འདུས་པར་བལྟ་སྟེ། ཚིག་གིས་བརྗོད
177a3 པ་གང་ཡིན་པ་དེ་ནི་ཆོས་སོ་སོར་ཡང་དག་པར་རིག་པ་ཡིན་པར་བལྟ་བ་དང་། ཚིག་གིས་བརྗོད་པ་གང་ཡིན་པ་དེ་ནི་དོན་སོ་སོ་ཡང་དག་པར་རིག་པ་ཡིན་པར་བལྟ་བར་བྱའོ། །དེ
177a4 ལྟ་བས་ན་རིགས་ཀྱི་བུ་ཁྱོད་ཀྱིས་སེམས་ཅན་གྱི་གང་ཅུང་ཟད་གཡོ་བ་དེ་ཐམས་ཅད་ཆོས་ཀྱི་སྡོམ་བཞིར་འདུས་པར་བལྟ་བར་བྱ་སྟེ། འབྱུང་པོ་དག་མི་ཤེས་པས་གནས་མི་གཡོའོ།
177a5 དེ་ལྟར་མི་དམུས་ལོང་དེའི་ལྟར་ཤེས་པ་དེ་བཞིན་དུ་ཆོས་དེ་ཉིད་ལ་མངོན་པར་ཞེན་ཏོ། །རིགས་ཀྱི་བུ། དོན་ཡོངས་སུ་འཚོལ་བར་འདོད་པས་རང་གི་རྒྱུད་ལས་ཡོངས་སུ་བཙལ
177a6 བར་བྱའོ། །རིགས་ཀྱི་བུ། བྱང་ཆུབ་ཡོངས་སུ་འཚོལ་བར་འདོད་པས་རང་གི་ཉེ་བར་ལེན་པའི་ཕུང་པོ་ལྔ་ལས་བཙལ་བར་བྱའོ། །ཆོས་ཀྱི་རྣམ་གྲངས་འདིའི་དོན་ཇི་ལྟ་བ་བཞིན
177a7 བཤད་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་རྣམ་པ་དྲུག་ཏུ་གཡོས་སོ། །སྣང་བ་ཆེན་པོས་འཇིག་རྟེན་ཁྱབ་པར་ཤིན་ཏུ་སྣང་བར་གྱུར་ཏོ། །བཅོམ
iiif viewer powered by OpenSeadragon
