| e-texts navigator |
| Wylie |
176a1 བདག་ལ་ཁྱོད་ག་ལས་འོངས་ཞེས་འོང་བ་རྨེད་པར་མཛད་དོ་སྙམ་མོ། །ཆོས་ཐམས་ཅད་བརྗོད་དུ་མ་མཆིས་པར་ཡང་གློ་བར་ཆུད་ན། བཅོམ་ལྡན་འདས
176a2 ག་ལས་འོངས་ཞེས་བྱུང་བའི་གནས་ལ་བདག་གིས་གསོལ་བ་སྤྲོ་བ་མ་མཆིས་སོ་སྙམ་དུ་སེམས་ཏེ། རིགས་ཀྱི་བུ། མདོར་ན་རིགས་ཀྱི་བུ་འདིས་ཆོས་ཐམས་ཅད་བསྟན་ཏེ། ཡང་དག
176a3 པའི་ཆོས་སྟོན་པ་ཡིན་ནོ། །རིགས་ཀྱི་བུ། བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་ཡི་གེ་མེད་པའི་ཆོས་དང་། ཚིག་མེད་པ་དང་། བརྗོད་དུ་མེད་པ་དང་། ཡི་གེ་དང་བྲལ
176a4 བ་དང་། མཚན་མ་མེད་པ་དང་། མཚན་མ་དང་བྲལ་བ་དང་། བླང་བ་མེད་པ་དང་། བླང་བ་དང་བྲལ་བ་དང་། འོང་བ་མེད་པ་དང་། མཐོང་བ་མེད་པ་དང་། གནས་པ་མེད་པ་དང་། སེམས
176a5 དང་། ཡིད་དང་། རྣམ་པར་ཤེས་པ་དང་བྲལ་བ་དང་། རྒྱུ་རྐྱེན་དང་བྲལ་བ་དང་། ཚིག་མེད་པ་དང་། རྣམ་པར་རིག་པ་མེད་པ་དང་། ལྟ་བ་མེད་པ་དང་། ཐེར་ཟུག་ཏུ་གནས་པ་མེད་པ
176a6 དང་། ཚིག་གིས་བརྗོད་དུ་མེད་པ་དང་། བརྡ་མེད་པ་དང་། ཡི་གེ་གཅིག་ལ། འདི་ལྟ་སྟེ། ཡང་དག་པ་མ་ཡིན་པ་དང་། བསགས་པ་མེད་པའི་གནས་པ་དང་། ཡི་གེ་མེད་པ་དང་།
176a7 གདུལ་བ་མེད་པ་རྣམས་ལ་སུ་ཞིག་སྟོན་སྙམ་དུ་ཤེས་ནས། རིགས་ཀྱི་བུ། བསྟན་པ་མེད་པ་འདིར་བསྟན་ཏོ། །དེ་ནས་བཅོམ་ལྡན་འདས་ཀྱི་མཐུས་བྱང་ཆུབ་སེམས་དཔའ
iiif viewer powered by OpenSeadragon
