| e-texts navigator |
| Wylie |
175b1 ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་། ངས་ཁྱོད་ལ་བཤད་དོ། །དོན་གང་གི་ཕྱིར་ངས་འཛུམ་པ་མཛད་པ་ཐོས་ནས་ཀྱང་རིགས་ཀྱི་བུ་ཁྱོད་ཀྱིས་སྐྲག་པར་མི་བྱ། དངངས་བར
175b2 མི་བྱ། དངང་བར་འགྱུར་བར་མི་བྱ། སོམ་ཉིར་མི་བྱ། ཐེ་ཚོམ་དུ་མི་བྱའོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་ཡུལ་ནི་བསམ་གྱི་མི་ཁྱབ་བོ། །སྨོན་ལམ་ནི
175b3 བསམ་གྱིས་མི་ཁྱབ་བོ། །རྣམ་པར་འཕྲུལ་བ་ནི་བསམ་གྱིས་མི་ཁྱབ་བོ། །དོན་དེ་དག་ཡང་དག་པར་མཐོང་ནས་ཐེ་ཚོམ་མ་བྱེད་ཅིག། འོད་ཕྲེང་། གང་འདི་ལྟར་དེ་བཞིན་གཤེགས་པ
175b4 ཤཱཀྱ་ཐུབ་པས་ངའི་དྲུང་དུ་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་བཏང་བ་འདི་ཁྱོད་ཀྱིས་མཐོང་ངམ། གསོལ་པ། བཅོམ་ལྡན་འདས། མཐོང་ལགས་སོ། །བདེ་བར
175b5 གཤེགས་པ། མཐོང་ལགས་སོ། །རིགས་ཀྱི་བུ། བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་འདི་ལངས་ཁྱོད་ག་ལས་འོངས་ཞེས་དེ་སྐད་དྲིས་ན། དེ་ཅང་མི་སྨྲ་བར་ཁ་རོག
175b6 འདུག་སྟེ། རིགས་ཀྱི་བུ། ངས་དོན་གྱི་དབང་འདི་མཐོང་ནས་འདིར་འཛུམ་པ་མཛད་དོ། །དེ་བཞིན་གཤེགས་པས་སྨྲས་པའི་ལན་དེ་ཅིའི་ཕྱིར་འདིས་མ་གསོལ་སྙམ་དུ་འཁོར་འདི་དག
175b7 ཐམས་ཅད་ཐེ་ཚོམ་དུ་གྱུར་ཏོ། །རིགས་ཀྱི་བུ། ངས་སྨྲས་པའི་ལན་སྐྱེས་བུ་དམ་པ་འདིས་ཅིའི་ཕྱིར་མ་གསོལ་ཅེ་ན། འོང་བ་དང་། འགྲོ་བ་མེད་པའི་ཆོས་རྣམས་ལ། བཅོམ་ལྡན་འདས
iiif viewer powered by OpenSeadragon
