| e-texts navigator |
| Wylie |
174b1 སེམས་ཏེ། ཅིའི་ཕྱིར་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་འདི་འཇིག་རྟེན་གསུམ་གྱི་བླ་མས་བཀའ་སྩལ་པ་ལ་ལན་མི་གསོལ་བར་ཁ་རོག་འདུག་ཞིག་གུ་སྙམ་མོ། །དེ་ནས
174b2 བཅོམ་ལྡན་འདས་ཀྱིས་དེར་སེང་གེ་བསྒྱིངས་པ་ལྟ་བུས་ཕྱོགས་བཅུར་གཟིགས་ནས་འཁོར་ཐམས་ཅད་ཐེ་ཚོམ་དུ་གྱུར་པ་ཐུགས་སུ་ཆུད་ནས་འཛུམ་པ་མཛད་དོ། །བཅོམ་ལྡན་འདས་དེ
174b3 བཞིན་གཤེགས་པ་ཆོས་འཕགས་དེ་འཛུམ་པ་མཛད་པའི་འོད་ཀྱི་སྣང་བ་གསེར་གྱི་ཁ་དོག་ལྟ་བུའི་འོད་གསེར་བརྒྱ་སྟོང་ཕྲག་དུ་མས་ཕྱོགས་བཅུ་སྣང་བར་མཛད་དོ། །དེ་ནས་སྐད་ཅིག
174b4 དེ་ཉིད་ལ་ས་ཆེན་པོ་གཡོས་པར་གྱུར་ཏོ། །ཕྱོགས་བཅུ་ནས་ཀྱང་བྱང་ཆུབ་སེམས་དཔའ་གཟུགས་དང་། ཁ་དོག་དང་། ཚུལ་དུ་མ་འཆང་བ་དག་བཅོམ་ལྡན་འདས་ཀྱི་ཆོ་འཕྲུལ་ཆེན
174b5 པོ་དེ་མཐོང་ནས་འཇིག་རྟེན་གྱི་ཁམས་དེར་ཐམས་ཅད་འདུས་ཏེ། བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ནས་རང་རང་གི་དགེ་བས་བསྒྲུབས་པས་འདུག་སྟེ། པུས
174b6 མོ་གཡས་པའི་ལྷང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། ངོ་མཚར་དུ་གྱུར་པ་དང་། རྨད་དུ་གྱུར་པས་འཛུམ་དམུལ་ནས་བཅོམ
174b7 ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་གིས་འོད་ཟེར་གྱི་ཆོ་འཕྲུལ་དུ་མ་དག་མཐོང་ལགས་ཏེ། བཅོམ་ལྡན་འདས། བདག་ཅག་གིས་འོད་ཟེར
iiif viewer powered by OpenSeadragon
