| e-texts navigator |
| Wylie |
169a1 ཁྱུ་མཆོག་གི་འགྲོས་སུ་འགྲོ་བར་འགྱུར་རོ། །ཀུན་དགའ་བོ། ཆོས་ཀྱི་རྣམ་གྲངས་འདི་བྱང་ཆུབ་སེམས་དཔའ་རྣམས་རབ་ཏུ་དགའ་བ་དང་། བྱང་ཆུབ
169a2 སེམས་དཔའ་འབྱུང་བར་བྱེད་པར་འགྱུར་རོ། །ང་འདས་པའི་ཕྱིན་བྱང་ཆུབ་སེམས་དཔའི་ལག་ཏུ་འོང་བར་འགྱུར་རོ། །བྱང་ཆུབ་སེམས་དཔའི་གླེགས་བམ་དུ་འོང་བ་དང་།
169a3 བྱང་ཆུབ་སེམས་དཔའི་སྒྲོམ་དུ་འོང་བར་འགྱུར་རོ། །བྱང་ཆུབ་སེམས་དཔའ་གདོལ་པ་རྣམས་ཀྱི་ལག་ཏུ་འོང་བར་མི་འགྱུར། གླེགས་བམ་དུ་འོང་བ་དང་། སྒྲོམ་དུ་འོང་བར
169a4 མི་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་རྣམ་གྲངས་འདི་དེ་བཞིན་གཤེགས
169a5 པས་ཇི་སྐད་བཤད་པ་བཞིན་དུ་བདག་གིས་གཟུང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཆོས་ཀྱི་རྣམ་གྲངས་འདི་ཇི་ལྟར་ཟིན་པ་བཞིན་དུ་གང
169a6 དག་ལ་བྱིན་པའི་སེམས་ཅན་དེ་དག་ལ་ཁྱོད་སྟོན་པའི་བྱ་བ་བྱེད་པ་ལེགས་སོ། །ལེགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཆེ་དང་ལྡན་པ
169a7 ཀུན་དགའ་བོ་དང་། ཚེ་དང་ལྡན་པ་ཤཱ་རིའི་བུ་དང་། འཇམ་དཔལ་གཞོན་ནུར་གྱུར་པ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་རྣམས
iiif viewer powered by OpenSeadragon
