| e-texts navigator |
| Wylie |
167a1 ཉི་ཤུ་པོ་འདི་རྣམས་ཡོད་པར་རེ་བར་བྱའོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་གསོལ་ཏོ། །བཅོམ་ལྡན་འདས། འདི
167a2 ལྟ་སྟེ། དཔེར་ན། སྨན་གྱི་ཤིང་ཐམས་ཅད་ནི་སེམས་ཅན་རྣམས་ཀྱི་ནད་ཐམས་ཅད་ཞི་བར་བགྱིད་དོ། །དེ་བཞིན་དུ་ཆོས་ཀྱི་རྣམ་གྲངས་འདིའང་ནད་ཐམས་ཅད་རབ་ཏུ་ཞི་བར་བགྱིད
167a3 པར་བལྟ་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །འཇམ་དཔལ། དེ་དེ་བཞིན་ཏེ། ཁྱོད་ཀྱིས་ཚིག་འདི་ལེགས་པར་སྨྲས་སོ། །ཆོས་ཀྱི་རྣམ་གྲངས
167a4 འདི་ནད་ཐམས་ཅད་རབ་ཏུ་ཞི་བར་བྱེད་པའོ། །དེ་ཅིའི་ཕྱིར་ཞེ་ན། འཇམ་དཔལ། སྔོན་འདས་པའི་དུས་བསྐལ་པ་གྲངས་མེད་ཅིང་ཤིན་ཏུ་གྲངས་མེད་པ་དེའི་ཚེ་དེའི་དུས་ན། གང
167a5 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་སྟབས་སུ་འགྲོ་བ་ཞེས་བྱ་བ་ཞིག་འཇིག་རྟེན་དུ་བྱུང་བར་གྱུར་ཏེ། དེས་སྲོག་ཆགས
167a6 སྟོང་ཕྲག་དུ་མ་རྣམས་ལ་རྒྱང་རིང་པོ་ནས་ཆོས་ཀྱི་རྣམ་གྲངས་འདི་བཤད་དོ། །དེའི་ཚེ་འཁོར་དེར་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་ཞེས་བྱ་བ་འདུས་ཏེ་འདུག་པར
167a7 གྱུར་ཏོ། །དེས་དེ་བཞིན་གཤེགས་པ་དེ་ལས་ཆོས་ཀྱི་རྣམ་གྲངས་འདི་མཉན་ཏོ། །དེས་སེམས་གཡེང་བ་མེད་པ་དང་། ཐེ་ཚོམ་མེད་པ་དང་། ནེམ་ནུར་མེད་པས་ཆོས་ཀྱི་རྣམ་གྲངས
iiif viewer powered by OpenSeadragon
