| e-texts navigator |
| Wylie |
166b1 སུ་མཐུན་པའི་ཆོས་རྣམས་ལ་བཟོད་པ་རེ་བར་བྱའོ། །ཆོས་ཀྱི་རྣམ་གྲངས་འདི་སེམས་ན་ཚེ་འདི་ཉིད་ལ་གནོད་སེམས་མེད་པར་རེ་བར་བྱའོ། །དུག་མྱུར་བའི་ནང་ན་འདུག་ནའང་ཆོས་ཀྱི་རྣམ་གྲངས
166b2 འདི་ཡིད་ལ་བྱེད་ན་འཇིགས་པ་མེད་པར་རེ་བར་བྱའོ། །སླར་རྒོལ་བ་ཚར་བཅད་པར་རེ་བར་བྱའོ། །ཀུན་ཏུ་སྣང་བའི་ཏིང་ངེ་འཛིན་ཀྱང་ཐོབ་པར་རེ་བར་བྱའོ། །ཆོས་ཀྱི་རྣམ་གྲངས་འདི་རྟོགས
166b3 པར་བྱེད་པའི་ཚེ་ལས་ཀྱི་སྒྲིབ་པ་ཐམས་ཅད་བྱང་བར་རེ་བར་བྱའོ། །ཆོས་ཀྱི་རྣམ་གྲངས་འཆད་པ་ནའང་ཆོས་ཀྱི་སྒོ་བརྒྱ་སྟོང་དུ་མ་ཐོབ་པར་རེ་བར་བྱའོ། །བྱང་ཆུབ་ཀྱི་སེམས་མི་བརྗེད་པ་དང་།
166b4 མཐའ་ཡས་འཁྱིལ་བའི་གཟུངས་ཐོབ་པར་ཡང་རེ་བར་བྱའོ། །ཆོས་ཀྱི་རྣམ་གྲངས་འདི་ཡིད་ལ་བྱེད་པ་ནའང་བདུད་ཀྱིས་བསྐོར་བ་མེད་པར་རེ་བར་བྱའོ། །སངས་རྒྱས་མངོན་དུ་བཞུགས
166b5 པར་ཡང་སྐྱེ་བར་རེ་བར་བྱའོ། །སྨོན་ལམ་ཐམས་ཅད་གྲུབ་པར་ཡང་རེ་བར་བྱའོ། །སྲོག་ཆགས་ཀྱི་རིགས་རྐང་པ་མེད་པ་དང་། རྐང་གཉིས་པ་དང་། རྐང་བཞི་པ་དང་། རྐང་པ་མང་པོ་དུག
166b6 ཅན་རྣམས་ལས་བསྲུངས་པར་རེ་བར་བྱའོ། །དེ་ལ་མིའི་རྒྱལ་པོ་འཁྲུག་པའི་འཇིགས་པ་མེད་པར་རེ་བར་བྱ་སྟེ། འཇམ་དཔལ། གང་སེམས་ལ་ཐེ་ཚོམ་མེད་པ་དང་། ནེམ་ནུར་མེད་པར
166b7 ཆོས་ཀྱི་རྣམ་གྲངས་འདི་འཛིན་པར་བྱེད། འཆང་བར་བྱེད། ཀློག་པར་བྱེད། ཀུན་ཆུབ་པར་བྱེད། གཞན་ལའང་རྒྱས་པར་ཡང་དག་པར་སྟོན་པའི་ཆོས་སྨྲ་བ་དེ་ལ་ཡོན་ཏན་བསྔགས་པ
iiif viewer powered by OpenSeadragon
