| e-texts navigator |
| Wylie |
165b1 ཐོབ་སྙམ་ནས། །སྦྱིན་པའི་སེམས་པ་གང་སེམས་པ། །བྱང་ཆུབ་ཐོབ་པ་གང་ཡང་མེད། །མ་ཐོབ་པ་ནི་བྱང་ཆུབ་མཆོག་། ཚུལ་ཁྲིམས་སེམས་ལ་གང་ཆགས་དང་། །བརྩོན་འགྲུས་ཡང་དག
165b2 ཉིད་རྟོག་ཅིང་། །གང་དག་འདུ་ཤེས་འཇུག་པར་བྱེད། །ང་ཡི་བསྟན་ལ་དེ་མི་སྦྱོར། །ཆོས་ཀུན་སྦྱོར་བ་མེད་པ་ལ། །ང་ཡིས་སྦྱོར་བ་ཉེ་བསྟན་ཏེ། །ཅུང་ཟད་རྩོམ་པ་གང་མེད་པ། །དེ་ནི་སྦྱོར་བ་བླ
165b3 མེད་པའོ། །ཆོས་འདི་རྣམས་ནི་ཟག་པ་མེད། །ཆོས་འདི་ཟག་དང་བཅས་པ་ཞེས། །གང་ལ་འདུ་ཤེས་དེ་ཡོད་པ། །དེ་ཡི་སེམས་ནི་ཚུལ་བཞིན་མིན། །གང་གིས་ཆོས་རྣམས་བསམ་ཡས་པ། །
165b4 ནམ་མཁའ་འདྲ་བ་མཐོང་བ་དང་། །མ་བཅིངས་པ་དང་མ་གྲོལ་བ། །དེ་ཡི་ཤེས་རབ་བླ་ན་མེད། །གང་ཞིག་ཚུལ་ཁྲིམས་ལྡན་པར་རྟོག་།ཚུལ་ཁྲིམས་མི་ལྡན་རྣམ་རྟོག་པ། །གཉིས་ནི
165b5 ཚུལ་ཁྲིམས་ངན་པར་བཤད། །གཉིས་སུ་མེད་པ་ཚུལ་ཁྲིམས་མཆོག་། ཆོས་རྣམས་ཐ་དད་བྱ་བ་མེད། །ཁྱད་པར་མེད་ཅིང་མཚན་མེད་པར། །གང་གིས་མཐོང་ཞིང་ཤེས་པ་དག་།དེ
165b6 དག་ང་ཡི་བསྟན་པ་འཛིན། །གང་གིས་སེམས་ནི་ནམ་མཁའ་ལྟར། །མ་ཆགས་བཞིན་དུ་ཕྱོགས་སུ་འགྲོ། །དེ་ལྟར་ཡེ་ཤེས་ཆགས་མེད་པ། །དེ་ཡི་དགེ་སྦྱོང་ཡང་དག་ཉིད། །གང་གིས
165b7 ཅུང་ཟད་མ་བརྟགས་ཤིང་། །ཐམས་ཅད་ཏུ་ཡང་སེམས་པ་མེད། །སེམས་ཅན་མེད་ཅིང་ཆོས་མེད་པ། །དེ་དག་བྱང་ཆུབ་རྙེད་མི་དཀའ། །འདོད་ཆགས་མཐའ་ལ་གང་མི་གནས། །འདོད
iiif viewer powered by OpenSeadragon
