| e-texts navigator |
| Wylie |
165a1 དེ་ལྟར་ཤེས་བྱས་ན། །དངོས་པོ་གཉིས་སུ་མི་འགྱུར་རོ། །མཐའ་ནི་ནམ་མཁའི་མཚན་ཉིད་དེ། །སེམས་ཅན་མཐའ་ནི་བསམ་མི་ཁྱབ། །མཐའ་ནི་མིག་ཡོར་ལྟ
165a2 བུ་སྟེ། །དེ་བས་ཡེ་ཤེས་ཤེས་མི་འགྱུར། །རྣམ་པར་རྟོག་ལ་སྤྱོད་པ་ན། །སྡིག་པ་ཇི་ལྟར་ཟད་པར་འགྱུར། །ནམ་ཞིག་སངས་རྒྱས་བདག་འགྱུར་ཞེས། །སེམས་ནི་དེ་ལྟར་འཇུག་པར
165a3 འགྱུར། །སངས་རྒྱས་དག་ནི་མ་སྐྱེས་པས། །དེ་དག་འབྱུང་བ་གང་ཡང་མེད། །འབྱུང་བ་མེད་པའི་ཆོས་རྣམས་ལ། །བྱིས་པ་རྣམས་ནི་འབྱུང་བར་འདོད། །ནམ་མཁའ་ལ་ནི་རྟེན་པ་དང་།།
165a4 གནས་དང་གནས་པར་བྱ་མི་ནུས། །ནམ་མཁའ་ལ་ནི་གནས་མེད་དེ། །ཐོགས་པ་མེད་ཅིང་དངོས་པོ་མེད། །ཇི་ལྟར་ནམ་མཁའ་དངོས་མེད་པ། །དེ་ལྟར་བྱང་ཆུབ་ཤེས་པར་བྱོས། །ཇི
165a5 ལྟར་བྱང་ཆུབ་ཤེས་བྱ་བ། །དེ་ལྟར་སེམས་ཅན་ཤེས་པར་བྱོས། །ནམ་མཁའི་དབྱིངས་དང་བྱང་ཆུབ་དང་། །སེམས་ཅན་ཁམས་རྣམས་དེ་དག་མཉམ། །གང་གིས་དེ་དག་མཉམ
165a6 ཤེས་པ། །དེ་ཡིས་བྱང་ཆུབ་རྙེད་མི་དཀའ། །གང་དག་བྱང་ཆུབ་མི་བརྩོན་ཞིང་། །ཚུལ་བཞིན་དུ་ཡང་སེམས་མི་བྱེད། །ཆོས་རྣམས་འཚོལ་བར་མི་བྱེད་པ། །དེ་ཡིས་བྱང་ཆུབ
165a7 རྙེད་མི་དཀའ། །བྱང་ཆུབ་བཙལ་དུ་མེད་པ་སྟེ། །ཇི་ལྟར་འཚོལ་བ་ཐམས་ཅད་ལྟར། །སེམས་ཀྱི་ཐོབ་པ་རྣམས་ཀྱིས་ནི། །བླ་མེད་བྱང་ཆུབ་རྟོགས་མི་ནུས། །སྦྱིན་པས་བྱང་ཆུབ
iiif viewer powered by OpenSeadragon
