| e-texts navigator |
| Wylie |
164a1 ལྡན་འདི་མི་སྲུང་། །ཆོས་རྣམས་རྨི་ལམ་ལྟ་བུ་སྟེ། །འདུས་བྱས་ཐམས་ཅད་ཡང་དག་མིན། །སྒྱུ་མ་བཞིན་དུ་སྐྱེ་མཐོང་ནས། །མཁས་པ་སྙིང་པོར་མི་འཛིན་ཏོ། །བདེན
164a2 པར་འདི་ལ་ཚུལ་ཁྲིམས་མེད། །ཚུལ་ཁྲིམས་མི་ལྡན་བདེན་པར་མེད། །ཆོས་རྣམས་བརྟེན་ཏེ་བྱུང་བས་ན། །འདི་ལ་བདག་ནི་ཡོད་མ་ཡིན། །བསྐལ་པ་བྱེ་བ་སྟོང་དག་ཏུ། །སྙོམས་ལས
164a3 མེད་པར་སྦྱིན་པ་བྱིན། །ཚུལ་ཁྲིམས་དག་ནི་མཆོག་བསྲུངས་ཀྱང་། །འདྲེན་པས་ང་ནི་ལུང་མ་བསྟན། །གང་ཚེ་ང་ནི་འདུ་ཤེས་བྲལ། །སྦྱིན་པའི་འདུ་ཤེས་མ་ལུས་དང་། །རྣམ་པར
164a4 རྟོག་པ་ཀུན་སྤངས་པ། །དེ་ཚེ་བྱང་ཆུབ་ལུང་བསྟན་ཏོ། །སྦྱིན་པས་ལོངས་སྤྱོད་འགྱུར་བར་བསྟན། །ཚུལ་ཁྲིམས་ཀྱིས་ནི་མཐོ་རིས་བསྟན། །གང་ན་ཅུང་ཟད་མི་དམིགས་པ། །དེ་ནི་བྱང
164a5 ཆུབ་བླ་མེད་དོ། །བྱིས་པ་དམིགས་པར་གནས་པ་དག་།མི་སྐྱེ་འདུས་མ་བྱས་པ་ཡི། །བཟོད་པ་བདག་གིས་ཐོབ་བོ་ཞེས། །མི་མཁས་པ་དག་རྟོག་པར་བྱེད། །ཆོས་རྣམས་སྐྱེ་བ་མེད་པ་ལ། །
164a6 གང་དག་སྐྱེ་བར་སེམས་པ་ནི། །བསྐལ་པ་བྱེ་བ་སྟོང་དུ་ཡང་། །དེ་ཡི་བཟོད་པ་རྙེད་པར་དཀའ། །ཆོས་རྣམས་མིང་གིས་ལུང་བསྟན་ཏེ། །ཆོས་རྣམས་ལ་ནི་བྱེད་པ་མེད། །རྩ་བ་མེད་ཅིང
164a7 གནས་མེད་དེ། །ཐམས་ཅད་ནམ་མཁའི་མཚན་ཉིད་དོ། །སངས་རྒྱས་བྱེ་བ་མང་པོ་ཡིས། །འདོད་ཆགས་ཞེ་སྡང་སྤང་བའི་ཕྱིར། །ཆོས་མཆོག་དག་ཀྱང་བཤད་མོད་ཀྱི། །ཆོས་རྣམས
iiif viewer powered by OpenSeadragon
