| e-texts navigator |
| Wylie |
160a1 མཐའ་ཐུག་པ་དེ་ཇི་སྟེ་སྦྱིན་པའི་ཆོས་ཅན་ལགས་ན། འཕགས་པའི་གང་ཟག་རྣམས་འདུས་མ་བྱས་པས་རབ་ཏུ་ཕྱེ་བར་མི་འགྱུར་རོ། །བཅོམ་ལྡན་འདས
160a2 ཀྱིས་བཀའ་སྩལ་པ། ཤཱ་རིའི་བུ། ལེགས་སོ། །ལེགས་སོ། །རྣམ་གྲངས་འདིས་གང་འཇིག་རྟེན་གྱི་སྦྱིན་གནས་ཡིན་པ་དེ་དག་ལ་བྱིན་པ་རྣམ་པར་སྨིན་པ་མེད་པ་ཡིན་ནོ། །གསོལ
160a3 པ|་བཅོམ་ལྡན་འདས། ཇི་ལྟར་ན་གང་སྦྱིན་པའི་རྣམ་པར་སྨིན་པ་མ་མཆིས་པ་དེ་དག་གིས་འདུ་ཤེས་མ་མཆིས་པ་ཡོངས་སུ་རྫོགས་པར་བགྱིས་པ་ལགས། བཅོམ་ལྡན་འདས
160a4 ཀྱིས་བཀའ་སྩལ་པ། ཤཱ་རིའི་བུ། དེ་ཇི་སྙམ་དུ་སེམས། གང་ཆོས་རྣམས་ཀྱི་ངོ་བོ་ཉིད་ཤེས་པ་དེ་ཡོད་དམ། འོན་ཏེ་མེད། གསོལ་པ། བཅོམ་ལྡན་འདས། གང་ཆོས་ཐམས
160a5 ཅད་ཀྱི་ངོ་བོ་ཉིད་འཚལ་བ་དེ་སྒྱུ་མའི་ངོ་བོ་ཉིད་འཚལ་བ་ལགས་ཏེ། བཅོམ་ལྡན་འདས། དེ་ནི་མ་མཆིས་པ་ལགས་ཏེ། མཆིས་པ་མ་ལགས་སོ། །དེ་ཅིའི་སླད་དུ་ཞེ་ན།
160a6 བཅོམ་ལྡན་འདས། ཆོས་ཐམས་ཅད་ནི་བཅོམ་ལྡན་འདས་ཀྱིས་སྒྱུ་མའི་ངོ་བོ་ཉིད་དུ་བསྟན་ཏོ། །སྒྱུ་མ་ལྟ་བུ་གང་ལགས་པ་དེའང་མ་མཆིས་པའོ། །གང་ཆོས་ཐམས་ཅད
160a7 ཀྱི་ངོ་བོ་ཉིད་འཚལ་བ་འདི་ནི་འདུ་ཤེས་མ་མཆིས་པའོ། །དེ་ཅིའི་སླད་དུ་ཞེ་ན། འདི་ལ་གང་ཡང་དག་པར་གྱུར་བའི་ཆོས་གང་ཡང་མི་དམིགས་སོ། །བཅོམ་ལྡན་འདས་ཀྱིས
iiif viewer powered by OpenSeadragon
