| e-texts navigator |
| Wylie |
159b1 གྲངས་དེས་གང་ཡང་དག་པར་ཞུགས་པ་དེ་དག་ལ་བྱིན་པ་འབྲས་བུ་ཆེ་བ་མ་ཡིན། ཕན་ཡོན་ཆེ་བ་མ་ཡིན་ནོ། །གསོལ་པ། བཅོམ་ལྡན་འདས། གང་དག་ལ་སྩལ་ན་འབྲས་བུ་ཆེ་བ་མ
159b2 ལགས་ཤིང་སྨན་ཡོན་ཆེ་བ་མ་ལགས་པ་དེ་དག་ཇི་ལྟར་འཇིག་རྟེན་གྱི་སྦྱིན་གནས་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ། གང་འབྲས་བུ་ཆེ་བར་འདུ་ཤེས
159b3 བའང་མ་ཡིན། འབྲས་བུ་ཆུང་བར་འདུ་ཤེས་པའང་མ་ཡིན་པ་དེ་དག་སྦྱིན་པ་སྐྱེ་བར་མི་འགྱུར་རོ། །གང་སྦྱིན་པ་སྐྱེ་བར་མི་འགྱུར་བ་དེ་དག་ནི་ལྷ་དང་བཅས་པའི་འཇིག་རྟེན་གྱི་སྦྱིན
159b4 གནས་སུ་འགྱུར་རོ། །ཤཱ་རིའི་བུ། དེ་ལ་ཟད་མི་ཤེས་པའི་ཞིང་ལ་སྦྱིན་པ་བྱིན་པ་ནི་མེ་ཏོག་ཀྱང་མི་འཆགས། འབྲས་བུར་ཡང་མི་འགྱུར་རོ། །ཤཱ་རིའི་བུ། རྣམ་གྲངས་འདིས་གང
159b5 ལ་བྱིན་ན་འབྲས་བུ་ཆེ་བའང་མ་ཡིན། ཕན་ཡོན་ཆེ་བའང་མ་ཡིན་པ་དེ་དག་འཇིག་རྟེན་གྱི་སྦྱིན་གནས་ཡིན་ནོ། །གསོལ་པ། བཅོམ་ལྡན་འདས། ཇི་ལྟར་ན་གང་འཇིག་རྟེན་གྱི
159b6 སྦྱིན་གནས་དེ་དག་ལ་བྱིན་པ་རྣམ་པར་སྨིན་པ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ། དེ་ཇི་སྙམ་དུ་སེམས། སྦྱིན་པ་གང་མྱ་ངན་ལས་འདའ
159b7 བའི་མཐར་ཐུག་པར་འགྱུར་བ་དེ་རྣམ་པར་སྨིན་པའི་ཆོས་ཅན་ཡིན་ནམ། གསོལ་པ། བཅོམ་ལྡན་འདས། མ་ལགས་སོ། །བཅོམ་ལྡན་འདས། སྦྱིན་པ་མྱ་ངན་ལས་འདས་པའི
iiif viewer powered by OpenSeadragon
