| e-texts navigator |
| Wylie |
478b1 འདས་ཀྱིས་དེ་སྐད་ཅེས་བཀའ་སྩལ་ནས། འཁོར་བཞི་པོ་དང་། ལྷ་དང་། ཀླུ་ལ་སོགས་པ་སྡེ་བརྒྱད་པོ། བཅོམ་ལྡན་འདས་ཀྱིས་བཀའ་སྩལ་ནས། ཐམས་ཅད་མངོན་པར་དགའ་སྟེ།
478b2 བཅོམ་ལྡན་འདས་ལ་ཕྱག་བཙལ་ནས་ཕྱིར་དོང་ངོ་། །འཕགས་པ་བྱང་ཆུབ་སེམས་དཔའ་བྱམས་པ་དགའ་ལྡན་གནམ་དུ་སྐྱེ་བ་བླངས་པའི་མདོ་རྫོགས་སོ།། །།ཞུ་བའི
478b3 ལོ་ཙྪ་བ་བནྡེ་བ་བཏོང་དང་། བནྡེ་ཤེས་རབ་སེངྒེས་རྒྱའི་དཔེ་ལས་བསྒྱུར།། །།རྒྱ་གར་སྐད་དུ། ཨཱཪྱ་ལོ་ཀཱ་ནུ་ས་མཱ་ནཱ་ཨ་བ་ཏཱ་ར་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ།
478b4 འཕགས་པ་འཇིག་རྟེན་གྱི་རྗེས་སུ་མཐུན་པར་འཇུག་པ་ཞེས་བྱ་བ་ཐེག་པ་ཆེན་པོའི་མདོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད
478b5 བདག་གིས་ཐོས་པ་དུས་གཅིག་ན། ཐུབ་པའི་རྒྱལ་པོ་རིལ་བཞུགས། །བྱང་ཆུབ་སེམས་དཔའ་ཆེན་པོ་དང་། ཉན་ཐོས་རྣམས་ཀྱིས་མདུན་གྱིས་བལྟས། །དེ་ནས་མཁས་པ
478b6 འཇམ་དབྱངས་ཀྱིས། །བཏུད་དེ་རྒྱལ་ལ་འདི་སྐད་གསོལ། །སླད་མའི་སྐྱེ་བོ་རྣམས་སླད་དུ། །དཔའ་བོ་ཆེན་པོས་བཤད་དུ་གསོལ། །སངས་རྒྱས་ཀུན་གྱི་ཡོན་ཏན་འབྱུང་། །
478b7 ཟབ་ཅིང་རྒྱ་ཆེ་ཕུན་སུམ་ཚོགས། །མདོ་སྡེ་དམ་པ་བློ་རབ་ཀྱི། །སྨྲ་བའི་མཆོག་གིས་བཤད་དུ་གསོལ། །འཇིག་རྟེན་མགོན་པོའི་ཐུགས་སྐྱེས་སྲས། །གཅེས་འཛིན་མཆོག་ལ
iiif viewer powered by OpenSeadragon
