| e-texts navigator |
| Wylie |
422b1 ནས་སྨྲ་བ་དེ་དག་ནི་དེ་བཞིན་གཤེགས་པ་ལ་སྐུར་པ་འདེབས་པའོ། །དེ་ཅི་ཕྱིར་ཞེ་ན། འདི་ལྟར་དེ་བཞིན་ཉིད་ནི་གཡོ་བ་མེད་པ་རློམ་སེམས་མེད་པའོ། །འདི་ལྟར་དེ་བཞིན་ཉིད་ནི་ཉམས
422b2 པ་མེད་པའོ། །འདི་ལྟར་དེ་བཞིན་ཉིད་ནི་སྟོང་པའོ། །མཚན་མ་མེད་པའོ། །སྨོན་པ་མེད་པའོ། །ཡང་བཙུན་པ་ཤཱ་རིའི་བུ། གང་འདས་པའི་དེ་བཞིན་ཉིད་དེའང་དམིགས་སུ་མེད། གང
422b3 མ་འོངས་པའི་དེ་བཞིན་ཉིད་དེའང་དམིགས་སུ་མེད། གང་ད་ལྟར་བྱུང་བའི་དེ་བཞིན་ཉིད་དེའང་དམིགས་སུ་མེད་པ་ནས་དེ་བཞིན་དུ་སྦྱར་ཏེ། སེམས་ཀྱི་བར་གྱི་རང་བཞིན་ཉིད་དེའང
422b4 དམིགས་སུ་མེད་དོ། །འོན་ཀྱང་། བཙུན་པ་ཤཱ་རིའི་བུ། དེ་བཞིན་ཉིད་མ་གཏོགས་པར་གང་བསྟན་པའམ། རབ་ཏུ་བཤད་པར་ནུས་པའི་ཆོས་གཞན་གང་ཡང་མི་དམིགས་སོ། །ཤཱ་རིའི
422b5 བུས་སྨྲས་པ། འཇམ་དཔལ། དེ་བཞིན་གཤེགས་པ་དེ་བཞིན་ཉིད་ལ་བཞུགས་ནས་ཆོས་སྟོན་ཏམ། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ། དེ་བཞིན་ཉིད་ཡོད་པ
422b6 མ་ཡིན་ན། ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས་ཏེ་ཆོས་སྟོན། བཙུན་པ་ཤཱ་རིའི་བུ། ཆོས་ཀྱང་ཡོད་པ་མ་ཡིན་ན། ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ
422b7 བཞུགས་ཏེ་ཆོས་སྟོན། དེ་བཞིན་གཤེགས་པའང་ཡོད་པ་མ་ཡིན་ན། ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས་ཏེ་ཆོས་སྟོན། ཆོས་ཐམས་ཅད་ཀྱང་ཡོད་པ་མ་ཡིན་ཏེ
iiif viewer powered by OpenSeadragon
