| e-texts navigator |
| Wylie |
150a1 ཅེས་བྱ་སྟེ། ཆོས་ཕྱིར་སྦྱིན་པ་འདིས་ན་བདག་།འཁོར་བ་ཡི་ནི་རྒྱ་མཚོ་ལས། །གཞན་མིན་ཐེག་པ་ཆེན་པོ་ཡིས། །སེམས་ཅན་རྣམས་ནི་སྒྲོལ་གྱུར་ཅིག་།སྐྱེ
150a2 བོ་ཐམས་ཅད་ཉོན་མོངས་པའི། །འཆིང་བ་དག་ལས་གྲོལ་བར་ཤོག་།དབུགས་མ་ཕྱིན་པ་དབུགས་འབྱིན་ཅིང་། །མྱ་ངན་འདས་ལམ་སྟོན་གྱུར་ཅིག་།འཇིག་རྟེན་ལོང་བ་འདྲེན་མེད་པའི།།
150a3 ཡོངས་སུ་འདྲེན་པར་བདག་གྱུར་ཅིག་།ལུས་ཅན་རྣམས་ལ་སྐྱོབས་པ་དང་། །དཔུང་གཉེན་གླིང་དང་སྐྱབས་གྱུར་ཅིག་།རིགས་ཀྱི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ
150a4 ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་མངོན་པར་བརྩོན་པར་བྱེད་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིའི་ཕུག་དང་། ཟོམ་དང་། རིའི་སུལ་དང་། གསེབ
150a5 དང་|་སྨན་ལྗོངས་ན་སེང་གེའི་མཆོག་རྣམ་པར་བསྒྱིངས་ཤིང་། ང་རོ་རྣམ་པར་སྒྲོགས་པ་ལྟ་བུའི་མིའི་དབང་པོའི་གཙུག་གི་ནོར་བུས། བཅོམ་ལྡན་འདས་ལས་སྦྱིན་པའི་ཕ་རོལ་ཏུ
150a6 ཕྱིན་པའི་རྣམ་པར་དབྱེ་བ་བཤད་པ་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་བདེ་བ་དང་། ཡིད་བདེ་བ་སྐྱེས་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ
150a7 གཟར་ནས་པུས་མོ་གཡས་པའི་ལྷ་ང་པདྨའི་སྙིང་པོ་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུང་ནས། བཅོམ་ལྡན་འདས་ལ་ཚིགས་སུ་བཅད་པའི
iiif viewer powered by OpenSeadragon
