| e-texts navigator |
| Wylie |
149b1 ཕན་ཡོན་ཆེ་བ་དང་། མཐུ་ཆེ་བར་འགྱུར་རོ། །འདི་ལ་བྱིན་ན་ནི་འབྲས་བུ་མི་ཆེ་བ་དང་། ཕན་ཡོན་མི་ཆེ་བ་དང་། མཐུ་མི་ཆེ་བར་འགྱུར་རོ་སྙམ་དུ་མི་སེམས་སོ། །གཞན་ཡང་། ཡང་དག
149b2 པའི་བློ་དང་ལྡན་གྱི་ཡང་དག་པ་མ་ཡིན་པའི་ཕྱིར་དེ་སྦྱིན་པ་དེ་བྱིན་པ་ན། འདི་སྙམ་དུ་སྦྱིན་པ་འདི་དང་། དགེ་བའི་རྩ་བ་དང་། ཆོས་ཀྱི་ཕྱིར་སྦྱིན་པ་ཡོངས་སུ་གཏོང་བ་འདིས་ན་བདག
149b3 རྒྱལ་པོར་གྱུར་ཅིག་ཅེའམ། རྒྱལ་པོ་གཞན་ནམ། བློན་པོ་ཆེན་པོ་འམ། ལྷའམ། ཀླུ་འམ། ལྷའི་བུའམ། ལྷ་གཞན་གང་ཡང་རུང་བ་ཞིག་ཏུ་གྱུར་ཅིག་ཅེས་སེམས་སྐྱེད་པར་མི་བྱེད
149b4 དོ|་|འོ་ན་གང་དུ་ཞེ་ན། གཞན་དུ་ན་བླན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། དགེ་བའི་རྩ་བ་འདི་དང་། ཆོས་ཀྱི་ཕྱིར་ཡོངས་སུ་གཏོང་བ་འདིས་ན་།
149b5 བདག་སེམས་ཅན་མ་བརྒལ་བ་རྣམས་སྒྲོལ་བ་དང་། མ་གྲོལ་བ་རྣམས་གྲོལ་བར་བྱེད་པ་དང་། དབུགས་མ་ཕྱིན་པ་རྣམས་དབུགས་འབྱིན་པ་དང་། ཡོངས་སུ་མྱ་ངན་ལས་མ་འདས་པ་རྣམས
149b6 ཡོངས་སུ་མྱ་ངན་ལས་ཟློ་བར་བྱེད་པ་དང་། འཇིག་རྟེན་ལོང་བ་འདྲེན་པ་མེད་པ་དང་། སྐྱོབ་པ་མེད་པ་དང་། སྐྱབས་མེད་པ་དང་། གནས་མེད་པ་དང་། གླིང་མེད་པ་དང་། དཔུང་གཉེན
149b7 མེད་པ་རྣམས་ཀྱི་འདྲེན་པ་དང་། ཡོངས་སུ་འདྲེན་པ་དང་། སྒྲོལ་བ་དང་། སྐྱབས་དང་། གནས་དང་། གླིང་དང་། དཔུང་གཉེན་དུ་གྱུར་ཅིག་ཅེས་ཡོངས་སུ་བསྔོ་བར་བྱེད་དོ། །དེ་ལ་འདི་སྐད
iiif viewer powered by OpenSeadragon
