| e-texts navigator |
| Wylie |
7b1 རྟེན་ཐམས་ཅད་དུ་ཁྱབ་པ་ཡིན་ཏེ། འཇམ་དཔལ། ཁ་དོག་དང་། དབྱིབས་དང་། སྤྱོད་པའི་བྱེ་བྲག་གང་དང་། གང་གིས་སེམས་ཅན་རྣམས་འདུལ་བར་འགྱུར་བའི་ཁ་དོག་དང་།
7b2 དབྱིབས་དང་། སྤྱོད་པའི་བྱེ་བྲག་དེ་དང་། དེ་ལྟ་བུར་དེ་བཞིན་གཤེགས་པ་སེམས་ཅན་རྣམས་ཀྱིས་མཐོང་ངོ་། །འཇམ་དཔལ། མཚན་གྱི་བྱེ་བྲག་གང་དང་། གང་གིས་སེམས་ཅན
7b3 རྣམས་འདུལ་བར་འགྱུར་བའི་མཚན་གྱི་བྱེ་བྲག་དེ་དང་། དེ་ལྟ་བུར་དེ་བཞིན་གཤེགས་པ་སེམས་ཅན་རྣམས་ཀྱིས་མཐོང་ངོ་། །འཇམ་དཔལ། ཆོས་བསྟན་པ་གང་དང་། གང་གིས
7b4 སེམས་ཅན་རྣམས་ཡོངས་སུ་སྨིན་པར་འགྱུར་བའི་ཆོས་བསྟན་པ་དེ་དང་། དེ་ལྟ་བུར་དེ་བཞིན་གཤེགས་པ་ཆོས་བསྟན་པར་སེམས་ཅན་རྣམས་ཀྱིས་ཤེས་སོ། །འཇམ་དཔལ། སྤྱོད་པ
7b5 གང་གིས་སེམས་ཅན་རྣམས་དེ་བཞིན་གཤེགས་པའི་བསྟན་པ་ལ་འཇུག་པ་དང་། འདུལ་བར་འགྱུར་བའི་སྤྱོད་པ་དེ་དང་།དེ་ལ་དེ་བཞིན་གཤེགས་པ་གནས་པར་སེམས་ཅན་གྱིས
7b6 མཐོང་ངོ་། །འཇམ་དཔལ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བར་འགྱུར་བའང་སྐྱེ་བོ་མང་པོ་ལ་ཕན་པ
7b7 དང་|་སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་། མི་རྣམས་དང་། སྐྱེ་བོ་ཕལ་བོ་ཆེའི་དོན་དང་། ཕན་པ་དང་། བདེ་བའི་ཕྱིར་སྐྱེའོ། །དེ་ནས་བྱང་ཆུབ་སེམས་དཔའ་འཇམ
iiif viewer powered by OpenSeadragon
