| e-texts navigator |
| Wylie |
6b1 ལྟར་ཆུ་ཞེང་གབ་པ་དང་། སྤུ་ཁུང་རེ་རེ་ནས་སྐྱེས་པ་དང་། ཕོ་མཚན་མི་སྣང་བར་ནུབ་པ་དང་། བརླ་གང་ཞིང་ཟླུམ་པ་དང་། བྱིན་པ་རི་དྭགས་ཀྱི་རྒྱལ་པོ་ཨེ་ན་ཡ་འདྲ་བ་དང་། ཞབས་ཀྱི
6b2 རྟིང་པ་ཆེ་བ་དང་། ཞབས་དང་། ཕྱག་གི་མཐིལ་འཇམ་ཞིང་མཉེན་པ་དང་། ཞབས་དང་། ཕྱག་གི་སོར་མོའི་བར་དྲ་བར་འབྲེལ་བ་དང་། ཞབས་དང་། ཕྱག་གི་སེར་མོ་རིང་བ་དང་། ཞབས་ཀྱི་སྟེང
6b3 མཐོ་བ་དང་། རོ་བྲོ་བའི་མཆོག་དང་། དཔུང་མགོ་ཟླུམ་པ་དང་། བདུན་མཐོ་བ་དང་། པགས་པ་སྲབ་ལ་གསེར་གྱི་མདོག་འདྲ་བ་དང་། མ་བཏུད་པ་ཕྱག་པུས་མོའི་ལྷ་ང་ལ་རེག་པ་དང་།
6b4 ཞབས་རབ་ཏུ་གནས་པ་དང་། ཞབས་དང་། ཕྱག་གི་མཐིལ་ན་འཁོར་ལོའི་མཚན་ཡོད་པ་དང་། ཚངས་པའི་དབྱངས་དང་། འདི་དག་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས
6b5 ཡིན་ཏེ། དེ་བཞིན་གཤེགས་པའི་སྐུ་ལས་འབྱུང་ངོ་། །འཇམ་དཔལ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་སུ་གཏོགས་པའི་བསོད་ནམས་ཀྱི་ཕུང་པོར་གང་གྱུར་པའི་བསོད
6b6 ནམས་ཀྱི་ཕུང་པོ་དེ་གྲངས་མེད་པར་བསྒྱུར་བ་དང་། བསམ་གྱིས་མི་ཁྱབ་པར་བསྒྱུར་བ་དང་། དཔག་ཏུ་མེད་པར་བསྒྱུར་བ་དང་། བརྗོད་དུ་མེད་པར་བསྒྱུར་བས་དེ་བཞིན་གཤེགས
6b7 པའི་ཆོས་ཀྱི་དུང་དུ་འགྱུར་རོ། །ཆོས་ཀྱི་དུང་དེས་འདུལ་བའི་དབང་དུ་དེ་བཞིན་གཤེགས་པས་འཇིག་རྟེན་གྱི་ཁམས་ཚད་མེད་གྲངས་མེད་པར་དབྱངས་ཀྱིས་རིག་པར་བྱེད་དོ། །དབྱངས
iiif viewer powered by OpenSeadragon
