| e-texts navigator |
| Wylie |
9b1 གཟེངས་བསྟོད་ལ། ཡང་དག་པར་འཛིན་དུ་གཞུག་ཅིང་དངོས་པོ་ངན་པ་དེ་བླང་བར་བྱའོ། །དེ་ཅིའི་ཕྱིར་ཞེ་ན། འདི་ལྟ་སྟེ། སྡུག་བསྔལ་བའི་སྤྱོད་པ་འདི་ནི་སྦྱིན་པ་བྱ་དཀའ་བ་ཡིན་པའི
9b2 ཕྱིར་རོ། །དེ་རྣམ་པར་གཡེང་བའི་སེམས་གདུལ་བའི་ཕྱིར་བསམ་གཏན་ལ་བསམ་གཏན་པར་བྱེད་དོ། །ཇི་ལྟར་བསམ་གཏན་བྱེད་ཅེ་ན། ཚངས་པ། འདི་ལ་བྱང་ཆུབ་སེམས་དཔའ
9b3 ནི་ཐོག་མ་ཁོ་ནས་ལུས་ལེགས་པར་བསྡམས་པ་ཡིན་ནོ། །ལུས་དབེན་པར་གནས་པ་ཡིན་ནོ། །ལུས་ཀྱི་འདུ་འཛི་རྣམས་ཀྱང་ཡོངས་སུ་སྤོང་ངོ་། །ལུས་ལ་ལྷག་པར་ཆགས་པའང་འདོར
9b4 རོ|་|ལུས་ལྕི་བའམ། ཡང་བའང་ཤེས་སོ། །ལུས་དང་མཐུན་པ་དང་། ལུས་འཚོ་བ་དང་། ལུས་ཀྱི་སྟོབས་ཀྱང་རབ་ཏུ་ཤེས་སོ། །ངག་ལེགས་པར་བསྡམས་པ་ཡིན་ཏེ། སྨྲ་བ་ཉུང་ཞིང
9b5 བརྗོད་པ་ཉུང་ངོ་། །དོན་སྨྲ་བ་ཡིན་ཞིང་རིགས་པ་སྨྲ་བ་ཡིན་ཏེ། བྲེ་མོའི་གཏམ་ལ་དགའ་བ་ཡོངས་སུ་སྤོང་བ་ཡིན་ནོ། །དེ་ཡིད་ལེགས་པར་བསྡམས་པ་ཡིན་ཏེ། མི་དགེ་བའི་རྣམ
9b6 པར་རྟོག་པ་ཐམས་ཅད་ཡོངས་སུ་སྤངས་སོ། །དེ་དེ་ལྟར་གནས་གསུམ་ཡོངས་སུ་དག་པས་སྔོན་པོ་དང་། སེར་པོ་དང་། དམར་པོ་དང་། དཀར་པོའི་གཟུགས་རྣམས་མི་སྣང་བར་བྱ
9b7 བའི་ཕྱིར་ནན་ཏན་བྱེད་དེ། དེ་དག་ལ་མཚན་མར་མི་འཛིན། མངོན་རྟགས་སུ་མི་འཛིན་ཏོ། །རྒྱན་དང་། གོས་ཀྱི་རྣམས་སྣ་ཚོགས་དག་ལའང་མཚན་མར་མི་འཛིན་ཅིང་མངོན་རྟགས
iiif viewer powered by OpenSeadragon
