| e-texts navigator |
| Wylie |
99b1 པ|་འདི་ནི་རིགས་སོ། །འདི་ནི་མི་རིགས་སོ་ཞེས་བྱ་བའང་ནི་རྩོད་པའོ། །དེ་བཞིན་དུ་བསྡུས་ཏེ་འདི་ནི་འབྲེལ་བའོ། །འདི་ནི་མ་འབྲེལ་བའོ་ཞེས་བྱ་བ་དང་། འདི་ནི་ཉོན་མོངས
99b2 པའོ། |འདི་ནི་རྣམ་པར་བྱང་བའོ་ཞེས་བྱ་བ་དང་། འདི་ནི་དགེ་བའོ། །འདི་ནི་མི་དགེ་བའོ་ཞེས་བྱ་བ་དང་། འདི་ནི་ཁ་ན་མ་ཐོ་བ་དང་བཅས་པའོ། །འདི་ནི་ཁ་ན་མ་ཐོ་བ་མེད་པའོ
99b3 ཞེས་བྱ་བ་དང་། འདི་ནི་ཟག་པ་དང་བཅས་པའོ། །འདི་ནི་ཟག་པ་མེད་པའོ་ཞེས་བྱ་བ་དང་། འདི་ནི་འཇིག་རྟེན་པའོ། །འདི་ནི་འཇིག་རྟེན་ལས་འདས་པའོ་ཞེས་བྱ་བ་དང་། འདི
99b4 ནི་འདུས་བྱས་སོ། །འདི་ནི་འདུས་མ་བྱས་སོ་ཞེས་བྱ་བ་དང་། འདི་ནི་ཚུལ་ཁྲིམས་སོ། །འདི་ནི་ངང་ཚུལ་ངན་པའོ་ཞེས་བྱ་བ་དང་། འདི་ནི་བྱ་བའོ། །འདི་ནི་བྱ་བ་མ་ཡིན་ནོ།།
99b5 ཞེས་བྱ་བ་དང་། འདིས་ནི་ཐོབ་པར་འགྱུར་རོ། །འདིས་ནི་ཐོབ་པ་མ་ཡིན་པར་འགྱུར་རོ་ཞེས་བྱ་བ་འདིས་ནི་རྩོད་པའོ། །ཚངས་པ། ཇི་ཙམ་དུ་ཁེངས་པ་དང་། འདུད་པ་དང་།
99b6 ལེན་པ་དང་། འདོར་བ་དེ་ཙམ་དུ་རྩོད་པ་སྟེ། དེ་བཞིན་གཤེགས་པས་ནི་རྩོད་པ་མེད་པར་ཆོས་བསྟན་ཏོ། །སྤྲོས་པ་ལ་དགའ་བ་ལ་ནི་མི་རྩོད་པ་མེད་དོ། །རྩོད་པ་མང་བ
99b7 ལ་ནི་དགེ་སྦྱོང་དུ་གྱུར་པ་མེད་དོ། །དགེ་སྦྱོང་འདོད་པ་ལ་ནི་འཐབ་པ་མེད་དོ། །སྨྲས་པ། འཇམ་དཔལ། ཇི་ལྟར་དགེ་སློང་དེ་བཞིན་གཤེགས་པའི་བསྟན་པ་བྱེད་པ་དང་།
iiif viewer powered by OpenSeadragon
