| e-texts navigator |
| Wylie |
98b1 དབྱིངས་ཀྱང་གཉིས་སུ་མེད་པ་ཡིན་ལ་ཆོས་ཐམས་ཅད་ཀྱང་ཆོས་ཀྱི་དབྱིངས་སུ་དེས་ན་སེམས་ཅན་གཞན་དང་གང་ཟག་གཞན་དག་ལ་ཇི་ལྟར་ཆོས་བསྟན་པར་བྱ། སྨྲས་པ། འཇམ
98b2 དཔལ། གཉིས་ཀྱང་མ་ཡིན་ལ་ཆོས་བསྟན་པ་ཡོད་དམ། སྨྲས་པ། ཚངས་པ། གལ་ཏེ་སྟོན་པའམ། ཉན་པ་འགའ་ཞིག་རྙེད་ན་ནི་ཡོད་དོ། །སྨྲས་པ། འཇམ་དཔལ། དེ་བཞིན་གཤེགས
98b3 པས་ཆོས་མ་བསྟན་ནམ། སྨྲས་པ། ཚངས་པ། བསྟན་མོད་ཀྱི་གཉིས་སུ་མ་ཡིན་ནོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་གཉིས་སུ་མེད་པར་ཆོས་སྟོན་ཏེ་གཉིས་སུ་མི
98b4 མཛད་དོ། །སྨྲས་པ། འཇམ་དཔལ། གལ་ཏེ་ཆོས་ཐམས་ཅད་གཉིས་སུ་མེད་པ་ཡིན་ན། དེ་ཇི་ལྟར་བྱིས་པ་སོ་སོའི་སྐྱེ་བོ་རྣམས་གཉིས་སུ་མེད་པ་གཉིས་སུ་བྱེད། སྨྲས་པ། བདག
98b5 གི་རྒྱུད་ལ་བདག་ཏུ་འཛིན་པས་བྱིས་པ་སོ་སོའི་སྐྱེ་བོ་རྣམས་གཉིས་སུ་བྱེད་དེ། གཉིས་སུ་མེད་པ་ནི་ནམ་ཡང་གཉིས་སུ་མི་འགྱུར་ཏོ། །ཇི་ཙམ་དུ་མང་དུ་གཉིས་སུ་བྱས་ཀྱང
98b6 གཉིས་སུ་མེད་པའི་མཐའ་ལ་གཉིས་སུ་མེད་དོ། །སྨྲས་པ། འཇམ་དཔལ། གཉིས་སུ་མེད་པ་ཅི་རྣམ་པར་རིག་པར་བྱེད། སྨྲས་པ། གལ་ཏེ་རྣམ་པར་རིག་པར་བྱེད་ན་གཉིས་སུ་མེད
98b7 པ་མ་ཡིན་པར་འགྱུར་ཏེ། གཉིས་སུ་མེད་པ་ནི་རྣམ་པར་རིག་པ་མེད་པའོ། །ཚངས་པ། གཉིས་ཞེས་བྱ་བ་ནི་རྣམ་པར་རིག་པའོ། །དེ་བཞིན་གཤེགས་པས་ནི་རྣམ་པར་རིག་པ
iiif viewer powered by OpenSeadragon
