| e-texts navigator |
| Wylie |
97a1 པར་བགྱི་སྟེ། ཕ་རོལ་ལ་མི་རེ་བར་བགྱིའོ། །བཅོམ་ལྡན་འདས། བྱང་ཆུབ་སེམས་དཔས་བགྱིས་པ་དང་། མ་བགྱིས་པ་ལ་འགྱོད་པ་མ་མཆིས་པར་བགྱིའོ། །
97a2 བཅོམ་ལྡན་འདས། བྱང་ཆུབ་སེམས་དཔའ་ནི་བདེ་བ་དང་། སྡུག་བསྔལ་གྱིས་གནོད་པར་མི་འགྱུར་རོ། །བཅོམ་ལྡན་འདས། བྱང་ཆུབ་སེམས་དཔའ་རྣམས་ཀྱི་དགེ་བའི་རྩ
97a3 བ་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། འཁོར་ལོས་བསྒྱུར་བའི་རྒྱལ་པོའི་སྲིད་ནི་དགེ་བའི་རྩ་བ་ཡོངས་སུ་དག་པར་མི
97a4 སྨྲའོ། །བརྒྱ་བྱིན་དུ་འགྱུར་བའང་མ་ཡིན། ཚངས་པར་འགྱུར་བའང་མ་ཡིན་ཏེ། གང་ལ་སྐྱེ་བ་དང་། སྐྱེ་གནས་མེད་པ་དེ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ
97a5 ཡོངས་སུ་དག་པའོ། །ནམ་བདག་ཀྱང་དགེ་བའི་རྩ་བ་ཡོངས་སུ་མི་འབྲི་ལ། ཆུང་དུ་ན་དུད་འགྲོའི་སྐྱེ་གནས་སུ་སོང་བ་ཡན་ཆད་སེམས་ཅན་གཞན་གྱི་དགེ་བའི་རྩ་བ་རྣམས
97a6 སྐྱེད་པ་འདི་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་ཡོངས་སུ་དག་པའོ། །དངོས་པོ་ཐམས་ཅད་ལ་མི་ལྟ་བའི་ཕྱིར་གཏོང་བ་ནི་བྱང་ཆུབ་སེམས་དཔའ་རྣམས
97a7 ཀྱི་དགེ་བའི་རྩ་བའོ། །ཡོངས་སུ་གདུང་བ་མེད་པའི་ཕྱིར་ཚུལ་ཁྲིམས་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ། །གནོད་སེམས་མེད་པའི་ཕྱིར་བཟོད་པ་ནི་བྱང
iiif viewer powered by OpenSeadragon
