| e-texts navigator |
| Wylie |
8b1 རང་བཞིན་ཅན་སུ་ཞིག་འདི་ལྟ་བུའི་རང་བཞིན་ཅན་གྱི་སེམས་ཀྱི་དབང་དུ་འགྲོ་ཞིང་རྗེས་སུ་འཇུག་སྙམ་དུ་བསམ་མོ། །དེ་དེ་ལྟར་སེམས་དྲན་པ་ཉེ་བར་གནས་པས་སེམས་གདུལ
8b2 བའི་ཕྱིར་ནན་ཏན་བྱེད་དོ། །དེ་སེར་སྣའི་སེམས་གདུལ་བའི་ཕྱིར་སྦྱིན་པ་སྦྱིན་པར་བྱེད་དེ། ཐ་ན་ཁམ་གཅིག་ཙམ་མམ། རྒྱ་ཤུག་ཙམ་མམ། མོན་སྲན་གྲེའུ་ཙམ་མམ། ཏིལ
8b3 འབྲུ་ཙམ་ཡང་རུང་། དེའང་ཐམས་ཅད་ལ་སྦྱིན་པར་བྱེད་ཀྱི། སྡུག་པ་རྣམས་ལ་མ་ཡིན། འདྲེས་པ་རྣམས་ལ་མ་ཡིན་ནོ། །དེ་ལ་འཆལ་བའི་ཚུལ་ཁྲིམས་ཀྱི་སེམས་གདུལ
8b4 བའི་ཕྱིར་ཚུལ་ཁྲིམས་བསྲུང་སྟེ། ལུས་དང་། ངག་དང་། ཡིད་ཀྱི་སྐྱོན་མེད་པར་བྱེད་པ་ཡིན། འདྲེན་མར་མི་བྱེད་པ་ཡིན། ནག་ནོག་ཅན་དུ་མི་བྱེད་པ་ཡིན་ཏེ། ཚུལ་ཁྲིམས་དེས
8b5 བདག་ལ་བསྟོད་པར་མི་བྱེད། གཞན་ལ་སྨོད་པར་མི་བྱེད་དོ། །དེ་གནོད་སེམས་ཀྱི་སེམས་འདུལ་བའི་ཕྱིར་བཟོད་པ་སྒོམ་སྟེ། དེ་གྲོང་ངམ། གྲོང་རྡལ་དུ་ཞུགས་པ་ན་གཤེའང
8b6 ཅི་མི་སྙམ་པར་བྱེད་དོ། །བརྒྱབ་ཀྱང་རུང་། རྡེག་ཀྱང་རུང་། སྡིགས་ཀྱང་རུང་། རྣམ་པར་འཇོམས་ཀྱང་རུང་། སྨོད་ཀྱང་རུང་སྟེ་ཅི་མི་སྙམ་པར་བྱེད་དོ། །ཀྱེ་མ་དགེ་སྦྱོང་འདི་ནི
8b7 མགོ་རེག་ངན་པའོ། །ཀྱེ་མ་དགེ་སྦྱོང་འདི་ནི་མགོ་རེག་མི་སྡུག་པ་ངན་པའོ་ཞེས་འཇིག་རྟེན་གྱིས་དཔྱས་ཀྱང་ཅི་མི་སྙམ་པར་བྱེད་དོ། །ཡང་དག་པར་མ་ཡིན་པས་སྐུར་ཀྱང་བཟོད
iiif viewer powered by OpenSeadragon
