| e-texts navigator |
| Wylie |
81a1 བྱང་ཆུབ་སེམས་དཔའ་སེམས་དཔའ་ཆེན་པོ་གཞན་གྱིས་མི་ཐུབ་རྒྱལ་མཚན་ཞེས་བྱ་བ་སྟེ། དེ་ནས་ཐལ་མོ་སྦྱར་ནས་གང་ལ་ཕྱག་བྱ་བའི་དེ་བཞིན
81a2 གཤེགས་པ་ཡང་དག་པ་འདིའི་ནང་ན་གང་ཡིན་སྙམ་སྟེ། ཕྱག་འཚལ་ཞིང་འཁོད་པ་དང་། དེ་དག་གི་བར་སྣང་ལས་འདི་ལྟར་འཁོར་འདི་ཐམས་ཅད། འདི་ལྟ་སྟེ། དེ་བཞིན
81a3 གཤེགས་པའི་ཁ་དོག་ཏུ་ཁ་དོག་གཅིག་ཏུ་སྣང་བ་ནི་གཞོན་ནུར་གྱུར་པ་དྲ་བ་ཅན་གྱི་འོད་ཀྱི་བྱེ་བྲག་གོ་ཞེས་སྒྲ་ཐོས་སོ། །དེ་ནས་བྱང་ཆུབ་སེམས་དཔའ་དེ་བཞིས་འདི་སྐད
81a4 ཅེས་འཛེར་ཏེ། བདེན་པ་དང་། བདེན་པའི་ཚིག་གང་གིས་ཇི་ལྟར་འཁོར་འདི་ཁ་དོག་དང་། གཟུགས་གཅིག་སྟེ་བྱེ་བྲག་མེད་པར་དེ་བཞིན་དུ་ཆོས་ཐམས་ཅད་ཀྱང་བྱེ་བྲག་མེད
81a5 ཅེན། བདེན་པ་དང་། བདེན་པའི་ཚིག་དེས་བཅོམ་ལྡན་འདས་ཤཱཀྱ་ཐུབ་པ་ལ་ཐ་དད་དུ་དབྱེ་བ་ལྷག་པ་གང་མཐོང་བས་དེ་བཞིན་གཤེགས་པ་ལ་མཆོད་པ་བྱེད་པར་འགྱུར
81a6 བ་འགའ་ཞིག་མཐོང་བར་ཤོག་ཅིག་ཅེས་བྱས་པ་དང་། དེ་ནས་དེའི་མོད་ལ་བཅོམ་ལྡན་འདས་སེང་གེའི་ཁྲི་པདྨ་ཅན་དང་བཅས་ཏེ། ཏ་ལ་གང་ཙམ་དུ་མངོན་པར་འཕགས
81a7 བར་གྱུར་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བཞི་པོ་དེ་དག་གི་མགོ་བོས་ཕྱག་བཙལ་ནས་ཚིག་འདི་སྐད་ཅེས་འཛེར་ཏོ། །བཅོམ་ལྡན་འདས། དེ
iiif viewer powered by OpenSeadragon
