| e-texts navigator |
| Wylie |
77b1 མ་ཡིན་སྙམ་དུ་སེམས། སྨྲས་པ། རིགས་ཀྱི་བུ། དེ་བཞིན་གཤེགས་པས་ཀྱང་གང་གུས་པར་ཆོས་བསྟན་པ་དང་། གང་གུས་པར་ཆོས་ཉན་པ་གང་ཟག་གཉིས་ནི་བསོད་ནམས་མང
77b2 དུ་བསྐྱེད་དོ་ཞེས་གསུངས་ཀྱི། དེའི་ཕྱིར་ཁྱོད་ཀྱིས་ཤོད་ཅིག་། བདག་གིས་མཉན་ཏོ། །སྨྲས་པ། གནས་བརྟན་ཤཱ་རིའི་བུ། འདུ་ཤེས་དང་། ཚོར་བ་ཐམས་ཅད་ལ་འགོག་པར་སྙོམས
77b3 པར་ཞུགས་ལ་ཆོས་ཉན་ནུས་ས་མ། སྨྲས་པ། རིགས་ཀྱི་བུ། གང་གིས་མཉན་པར་བྱ་བའི་གཉིས་ལ་འཇུག་པ་འགོག་པ་ལ་མེད་དོ། །སྨྲས་པ། གནས་བརྟན་ཤཱ་རིའི་བུ། ཆོས
77b4 ཐམས་ཅད་རང་བཞིན་གྱིས་འགག་པར་འདོད་དམ། སྨྲས་པ། རིགས་ཀྱི་བུ། དེ་བཞིན་ཏེ། ཆོས་ཐམས་ཅད་ནི་ཤིན་ཏུ་འགག་པའོ། །སྨྲས་པ། དེའི་ཕྱིར་གནས་བརྟན་ཤཱ་རིའི་བུ
77b5 རྟག་ཏུ་མི་འཆད་པར་ཆོས་མཉན་པའི་སྐལ་བ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་རང་བཞིན་གྱིས་འགག་པའི་ཕྱིར་རོ། །སྨྲས་པ། རིགས་ཀྱི་བུ། ཁྱོད་ཏིང་ངེ་འཛིན་ལས
77b6 མ་ལངས་པར་ཆོས་སྟོན་ནུས་སམ། སྨྲས་པ། གནས་བརྟན་ཤཱ་རིའི་བུ། གང་རྟག་ཏུ་མཉམ་པར་མ་བཞག་པའི་ཆོས་གང་ཡང་དམིགས་སམ། སྨྲས་པ། དེ་ནི་མ་ཡིན་ནོ། །
77b7 སྨྲས་པ། འོ་ན་བྱིས་པ་སོ་སོའི་སྐྱེ་བོ་ཐམས་ཅད་ཀྱང་མཉམ་པར་བཞག་པར་འགྱུར་རོ། སྨྲས་པ། རིགས་ཀྱི་བུ། ཏིང་ངེ་འཛིན་གང་ལ་བྱིས་པ་སོ་སོའི་སྐྱེ་བོ་རྣམས་མཉམ་པར
iiif viewer powered by OpenSeadragon
