| e-texts navigator |
| Wylie |
77a1 ཀྱི་དབྱིངས་ཀྱིས་ཡུལ་རྣམ་པ་ཚད་མེད་པ་ཁོང་དུ་ཆུད་དམ། སྨྲས་པ། རིགས་ཀྱི་བུ། དེ་དེ་བཞིན་ནོ། །སྨྲས་པ། ཆོས་ཀྱི་དབྱིངས་ལ་ཚད་ཡོད་པ་མ་ཡིན
77a2 པས་ན་ཆོས་ཀྱི་དབྱིངས་ནི་ཚད་མེད་པ་ཡིན་ཏེ། བཙུན་པ་ཤཱ་རིའི་བུ། ཇི་ལྟར་ཚད་མེད་པར་ཁོང་དུ་ཆུད་པ་དེ་བཞིན་དུ་ཚད་མེད་པར་བསྟན་པ་ཡིན་ན། དེ་ཇི་ལྟར་གང་གིས་ཁོང
77a3 དུ་ཆུད་པ་ཇི་འདྲ་བར་དེའི་བསྟན་པའང་དེ་འདྲ་བར་འགྱུར། སྨྲས་པ། ཀུན་ཏུ་མེ་ཏོག་།ཆོས་ཀྱི་དབྱིངས་ནི་ཁོང་དུ་ཆུད་པའི་མཚན་ཉིད་མ་ཡིན་ནོ། །སྨྲས་པ། བཙུན་པ་ཤཱ་རིའི
77a4 བུ། ཆོས་ཀྱི་དབྱིངས་ཁོང་དུ་ཆུད་པའི་མཚན་ཉིད་མ་ཡིན་ན་ཅི་ཁྱོད་ཆོས་ཀྱི་དབྱིངས་དང་ཐ་དད་དུ་རྣམ་པར་གྲོལ་ལམ། སྨྲས་པ། དེ་ནི་མ་ཡིན་ནོ། །སྨྲས་པ། ཅིའི་ཕྱིར། སྨྲས
77a5 པ|་ཆོས་ཀྱི་དབྱིངས་ཐ་དད་པར་འགྱུར་བའི་ཕྱིར་རོ། །སྨྲས་པ། བཙུན་པ་ཤཱ་རིའི་བུ། དེའི་ཕྱིར་ཁོང་དུ་ཆུད་པ་ཇི་ལྟ་བ་བཞིན་དུ་ཆོས་ཀྱི་དབྱིངས་ཀྱང་དེ་བཞིན་ནོ། །སྨྲས་པ།
77a6 ཀུན་ཏུ་མེ་ཏོག་།བདག་ནི་སྟོན་འདོད་པ་མ་ཡིན་གྱི་བདག་ནི་ཉན་དུ་འདོད་པའོ། །སྨྲས་པ། བཙུན་པ་ཤཱ་རིའི་བུ། ཆོས་ཐམས་ཅད་ཆོས་ཀྱི་དབྱིངས་མི་འགྱུར་བར་ངེས་པ
77a7 ལ་ཇི་ལྟར་བཤད་པར་བྱ་བའམ། མཉན་པར་བྱ་བའམ། སྨྲས་པ། དེ་ནི་མ་ཡིན་ནོ། །སྨྲས་པ། འོན་ཅིའི་ཕྱིར་ཁྱོད་བདག་ནི་ཉན་པར་འདོད་པ་ཡིན་གྱི་སྟོན་པར་འདོད་པ
iiif viewer powered by OpenSeadragon
