| e-texts navigator |
| Wylie |
76b1 འབྱུང་བ་དང་། འཕོ་བ་དང་། འཆི་བའང་སྟོན་ལ་སངས་རྒྱས་ཀྱི་ཞིང་དག་ནའང་གདའ་བ་དེ་དག་ལ་ལྷག་པར་ཤེས་རབ་ཀྱི་སྤོབས་པ་འདི་ལྟ་བུའང་སྤོབས་པར་འགྱུར་རོ། །བཅོམ
76b2 ལྡན་འདས། ཤེས་རབ་ཀྱི་སྤོབས་པས་རྣམ་པར་འཕྲུལ་པ་འདི་ལྟ་བུ་མཐོང་ན་རིགས་ཀྱི་བུའམ། རིགས་ཀྱི་བུ་མོ་སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས
76b3 མི་སྐྱེད། ། །།བམ་པོ་གསུམ་པ། ཡང་དེའི་ཚེ་བྱང་ཆུབ་སེམས་དཔའ་ཀུན་ཏུ་མེ་ཏོག་ཅེས་བྱ་བ་འཁོར་དེར་འདུས་ཤིང་འདུག་པར་གྱུར་ཏེ། དེས་གནས་བརྟན
76b4 ཤཱ་རིའི་བུ་ལ་འདི་སྐད་ཅེས་སྨྲས་སོ། །གནས་བརྟན་ནི་དེ་བཞིན་གཤེགས་པས་ཤེས་རབ་ཅན་གྱི་མཆོག་ཏུ་གསུངས་ན། འདི་ལྟར་ཤེས་རབ་ཀྱི་སྤོབས་པས་རྣམ་པར
76b5 འཕྲུལ་པ་འདི་ལྟ་བུས་རྣམ་པར་འཕྲུལ་མི་ནུས་པ་ཅི་གནས་བརྟན་གྱིས་ཆོས་ཀྱི་དབྱིངས་ཁོང་དུ་མ་ཆུད་དམ། གནས་བརྟན་གྱིས་སྨྲས་པ། ཀུན་ཏུ་མེ་ཏོག་།བཅོམ་ལྡན་འདས
76b6 ཀྱི་ཉན་ཐོས་རྣམས་ནི་ཡུལ་ཇི་ལྟ་བ་བཞིན་དུ་སྟོན་ཏོ། །སྨྲས་པ། བཙུན་པ་ཤཱ་རིའི་བུ། ཆོས་ཀྱི་དབྱིངས་ཡུལ་དུ་བགྲང་ངམ། སྨྲས་པ། དེ་ནི་མ་ཡིན་ནོ། །སྨྲས་པ། འོ་ན
76b7 ཇི་ལྟར་གནས་བརྟན་ཤཱ་རིའི་བུ། ཡུལ་ཇི་ལྟ་བ་བཞིན་དུ་སྟོན། སྨྲས་པ། ཉན་ཐོས་ཀྱི་ཁོང་དུ་ཆུང་པ་ཇི་ཙམ་པ་བསྟན་པའང་དེ་ཙམ་མོ། །སྨྲས་པ། ཅི་གནས་བརྟན་གྱིས་ཆོས
iiif viewer powered by OpenSeadragon
