| e-texts navigator |
| Wylie |
74a1 ན|་ཚངས་པ། བྱང་ཆུབ་སེམས་དཔའ་སེམས་དཔའ་ཆེན་པོ་འདི་ནི་བསོད་ནམས་ཀྱི་ཞིང་། གཟི་བརྗིད་ཆེན་པོ་ཡོངས་སུ་རྒྱས་པ། ཕྱིར་མི་ལྡོག་པ། སེམས
74a2 ཅན་གྱི་དོན་ལ་བརྩོན་པར་ཤེས་པར་བྱའོ། །ཡང་སྙིང་རྗེ་ཆེན་པོའི་ཆོས་ཀྱི་སྒོའི་ལེའུ་འདི་བཤད་པ་ན་སྲོག་ཆགས་སྟོང་ཕྲག་སུམ་ཅུ་རྩ་གཉིས་བླ་ན་མེད་པ་ཡང་དག་པར་རྫོགས
74a3 པའི་བྱང་ཆུབ་ཏུ་སེམས་སྐྱེས་སོ། །སྲོག་ཆགས་བརྒྱ་སྟོང་གིས་ནི་བཟོད་པ་རབ་ཏུ་ཐོབ་པར་གྱུར་ཏོ། །ལྷའི་བུ་སྟོང་ཕྲག་བདུན་ཅུ་རྩ་གཉིས་ནི་ཆོས་རྣམས་ལ་རྡུལ་མེད་ཅིང་དྲི
74a4 མ་དང་བྲལ་བའི་ཆོས་ཀྱི་མིག་རྣམ་པར་དག་གོ་། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས།
74a5 ཚངས་པ་ཁྱད་པར་སེམས་འདི་དེ་བཞིན་གཤེགས་པའི་ཐུགས་རྗེ་ཆེན་པོ་དང་ལྡན་པའི་ཆོས་བསྟན་པ་འདི་ཐོས་ན་དགའ་བར་མི་བགྱིད། རངས་པར་མི་འགྱུར་རོ། །ཁྱད
74a6 པར་སེམས་ཀྱིས་སྨྲས་པ། རིགས་ཀྱི་བུ། གང་གི་རྣམ་པར་ཤེས་པ་གཉིས་དང་ལྡན་པ་དེ་དག་ལ་ནི་དགའ་བའམ། རངས་པར་ཡང་འགྱུར་གྱི། གཉིས་སུ་མེད་པ་ཡང་དག
74a7 པའི་མཐའ་ལ་གནས་པ་ལ་དགའ་བའང་མེད་དོ། །རངས་པའང་མེད་དོ། །རིགས་ཀྱི་བུ། འདི་ལྟ་སྟེ། དཔེར་ན། སྒྱུ་མས་སྤྲུལ་པའི་སྐྱེས་བུ་ནི་སྒྱུ་མ་གར་བྱེད་པར
iiif viewer powered by OpenSeadragon
