| e-texts navigator |
| Wylie |
73a1 ཀྱེ་མ་འཇིག་རྟེན་གནས་པ་འདི་ནི་བརྐམ་ཞིང་ཆགས་པའི་ཟིལ་གྱིས་གནོན་པ་ཆོག་མི་ཤེས་ཤིང་གཞན་གྱི་ནོར་འཕྲོག་པ་ཡིན་ཏེ། དེ་དག་འཕགས
73a2 པའི་ནོར་དད་པ་དང་། ཚུལ་ཁྲིམས་དང་། ཐོས་པ་དང་། གཏོང་བ་དང་། ཤེས་རབ་དང་། ངོ་ཚ་ཤེས་པ་དང་། ཁྲེལ་ཡོད་པའི་ནོར་ལ་དགོད་དོ་ཞེས་སེམས་ཅན་རྣམས་ལ་དེ་བཞིན་གཤེགས
73a3 པའི་སྙིང་རྗེ་ཆེན་པོ་སྐྱེའོ། །ཀྱེ་མ། སེམས་ཅན་འདི་དག་ནོར་དང་། འབྲུ་དང་། ཁྱིམ་དང་། བུ་དང་། ཆུང་མ་ལ་སྲེད་པས་འཁོལ་ཅིང་སྙིང་པོ་མེད་པ་ལ་སྙིང་པོར་འཛིན་ཏེ། དེ་དག
73a4 ལ་ཤིན་ཏུ་མི་རྟག་པ་ཉིད་བསྟན་ཏོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། །ཀྱེ་མ། སེམས་ཅན་འདི་དག་མ་རིག་པས་འཚོ་ཞིང་གཅིག་ལ
73a5 གཅིག་འདྲིད་པ་ལ་གནས་ཏེ། དེ་དག་འཚོ་བ་ཡོངས་སུ་དག་པར་བྱ་བའི་ཕྱིར་ཆོས་བསྟན་ཏོ། །ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།།
73a6 ཀྱེ་མ། སེམས་ཅན་འདི་དག་མི་མཛའ་བ་ཡིན་ན་ཁེ་དང་། བཀུར་སྟིར་རྒྱས་ནས་བདག་ཅག་མཛའོ་སྙམ་དུ་སེམས་ཏེ། དེ་དག་གི་གང་འདི་སྡུག་བསྔལ་རྣམ་པར་ཞི་བའི་བདེ
73a7 བ་མྱ་ངན་ལས་འདས་པ་ལ་ཤིན་ཏུ་ཡང་དག་པའི་དགེ་བའི་བཤེས་གཉེན་བྱའོ། །ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། །ཀྱེ་མ། སེམས
iiif viewer powered by OpenSeadragon
