| e-texts navigator |
| Wylie |
6b1 མ་བྱིན་པ་ལེན་པ་དང་། མི་ཚངས་པར་སྤྱོད་པ་ནི་བྱང་ཆུབ་སེམས་དཔའི་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་ཡིན་ནོ། །ཚངས་པ། བྱང་ཆུབ་སེམས་དཔའ་ཅི་ལྟར་ན་སྲོག་གཅོད་པ་སྤོང་བ
6b2 ཡིན་ཞེ་ན། ཚངས་པ། འདི་ལ་བྱང་ཆུབ་སེམས་དཔའ་ནི་འདོད་ཆགས་ཀྱི་དབང་གིས་སྲོག་ཆགས་ཀྱི་སྲོག་གཅོད་པར་མི་བྱེད། ཞེ་སྡང་གི་དབང་དང་། གཏི་མུག་གི་དབང་གིས་སྲོག
6b3 ཆགས་ཀྱི་སྲོག་གཅོད་པར་མི་བྱེད་དོ། །དེ་སེམས་ཅན་གཞན་དག་དང་། གང་ཟག་གཞན་རྣམས་ལ་བདག་ཙམ་དུ་འདུ་ཤེས་པར་བྱེད་ཅིང་སྡུག་པ་ཙམ་དུ་འདུ་ཤེས་པར་བྱེད་དེ། བདག
6b4 ཉིད་ཀྱི་སེམས་ཅན་གཞན་དག་དང་། གང་ཟག་གཞན་རྣམས་ཀྱི་སྲོག་གཅོད་པར་མི་བྱེད་དོ། །གཞན་དག་ཀྱང་སྲོག་གཅོད་དུ་མི་འཇུག་གོ། གཞན་དག་སྲོག་གཅོད་པ་ལ་ཡང་དག
6b5 པར་རྗེས་སུ་ཡི་རང་བར་མི་བྱེད་དོ། །བདག་གིས་ཀྱང་མི་གཅོད་དོ། །གཞན་དག་ཀྱང་གཅོད་མི་འཇུག་གོ། གཞན་དག་གཅོད་པ་ལའང་རྗེས་སུ་ཡི་རང་བར་མི་བྱེད་དོ། །བདག
6b6 ཀྱང་མི་རྡེག་གོ། གཞན་དག་ཀྱང་རྡེག་དུ་མི་འཇུག་གོ། གཞན་དག་རྡེག་པར་བྱེད་པ་ལའང་རྗེས་སུ་ཡིད་རང་བར་མི་བྱེད་དོ། །ཇི་ལྟར་ན་མ་བྱིན་པ་ལེན་པ་སྤོང་བ་ཡིན་ཞེ་ན། ཚངས
6b7 པ|་འདི་ལ་བྱང་ཆུབ་སེམས་དཔའ་ནི་སེམས་ཅན་རྣམས་ཀྱི་འཚོ་བའི་ཡོ་བྱད་གང་དག་ཡིན་པ། འདི་ལྟ་སྟེ། གསེར་དང་། ནོར་བུ་དང་། མུ་ཏིག་དང་། བཻ་ཌཱུཪྱ་དང་། དུང་དང་། མན
iiif viewer powered by OpenSeadragon
